Am Oibre i bhFostaíocht (Taifid)

Rialacha

Ní mór an t-eolas seo a leanas a bheith sna taifid a choinnítear:

• Ainm agus seoladh gach fostaí, a (h)uimhir PSP agus ráiteas gearr ag leagan amach na dualgais atá aige/aice mar fhostaí
• Cóip den ráiteas curtha ar fáil do gach fostaí faoin Acht um Théarmaí Fostaíochta (Eolas) 1994 go 2001
• Laethanta agus uaireanta ar fad a d'oibrigh gach fostaí i rith gach seachtaine
• Aon laethanta nó uaireanta maidir le scor bliantúil nó lá saoire poiblí tugtha gach seachtain do gach fostaí agus an íocaíocht faighte ag gach fostaí a bhaineann leis an scor sin
• Aon íocaíocht lae bhreise tugtha do gach fostaí gach seachtain, mar a thagraítear di i Mír 21 (1) (d) den Acht um Eagrú Ama Oibre 1997, agus
• Cóip de thaifead scríofa de fhógra eisithe do fhostaí maidir le aon de na hábhair a dtagraítear dóibh i Mír 17 den Acht um Eagrú Ama Oibre 1997.

Ní mór go ndéanfaí na taifid coinnithe ag fostóir a chur ar fáil i bhfoirm ar féidir le cigire iad a thuiscint go héasca.

Sa chás nach bhfuil modh leictreonach ar fáil chun na huaireanta a oibríonn fostaithe a thaifeadadh (mar shampla, córas clogála) ní mór don fhostóir Foirm OWT1 nó foirm an-chosúil léi a úsáid chun na laethanta agus na huaireanta a oibrítear gach seachtain a thaifeadadh.

I dteannta leis an oibleagáid seo, sa chás go n-aontaíonn an fostóir agus an fostaí é a dhéanamh, is féidir le fostaí Foirm OWT1 nó foirm an-chosúil léi a líonadh isteach gach seachtain agus an fhoirm líonta a chur faoi bhráid an fhostóra chun a chomhshíniú a fháil. Ní mór don fhostóir an fostóir an fhoirm líonta a choinneáil le haghaidh cigireachta. Ní mór go mbeadh an fhoirm ar fáil ag amanna réasúnta le go mbeadh cigire in ann iad a scrúdú.

Díolúintí

Tá díolúine ag na fostóirí thíos luaite (faoi Mhír 25 (2) den Acht um Eagrú Ama Oibre, 1997 maidir le sosanna a thaifeadadh:

• Fostóirí a bhfuil saoráidí leictreonach acu maidir le taifid a choinneáil (fleisc-chlog nó córas clogála, mar shampla) agus
• Fostóirí a bhfuil saoráidí láimhe seachas leictreonacha acu maidir le taifid a choinneáil agus a bhfuil sé d'oibleagáid orthu taifid a choinneáil (ag baint úsáide as Foirm OWT1 nó foirm an-chosúil léi).

Ní bheidh ar fhostóirí sosanna a thaifeadadh má ghéilleann siad do na coinníollacha seo a leanas:

• Faigheann gach fostaí fógra scríofa ón bhfostóir a leagann amach na sosanna agus na tréimhsí a dtagraítear dóibh i Míreanna 11, 12 agus 13 den Acht nó,
• Mura mbaineann Mír 11, 12 agus 13 den Acht leat (i.e. tá tú páirteach i gcomhaontas, comhaontas fostaíochta cláraithe nó ordú rialaithe fostaíochta ina leagtar amach sosanna agus tréimhsí scíthe sonracha ) tá ar do fhostóir téarmaí do chomhaontais, comhaontais fostaíochta cláraithe nó ordaithe rialaithe fostaíochta a chur in iúl duit, agus ní bheidh air sosanna agus tréimhsí scíthe a thaifeadadh.
• Déanann an fostóir nósanna imeachta a eagrú agus a chur in iúl do gach fostaí (trí scríobh dó nó di) a ligeann don fhostaí sos nó tréimhse scíthe a raibh sé i dteideal dó ach raibh sé in ann a ghlacadh ar ócáid ar leith, mar a dtagraítear dóibh i Mír 11, 12 agus 13 den Acht, a chur in iúl don fhostóir trí scríobh dó. Ní mór don fhostaí chomh maith a chur in iúl cén fáth nach raibh sé in ann a leithéid de sos nó tréimhse scíthe a ghlacadh.

Caithfidh iad seo a bheith ag do fhostóir:

• Fianaise gur chuir sé gach fostaí ar an eolas(i scríbhinn) faoi sosanna
• Fianaise gur chuir sé gach fostaí ar an eolas (i scríbhinn) gur gá sosanna nach dtógtar a chur in iúl don fhostóir
• Taifid de gach fógra a thug an fostaí don fhostóir faoi Eagrú Ama Oibre.

Mura bhfuil tú in ann sos a thógáil i do phost, ní mór duit scríobh chuig do fhostóir (laistigh de sheachtain amháin) nach raibh tí in ann an sos seo a thógáil. Nuair a chuireann tú in iúl do d'fhostóir nach raibh tú in ann an sos a thógáil, ní mór don fhostóir an fáth nach raibh tú in ann na sos a thógáil a chur san áireamh chomh maith le haon ceisteanna sláinte a tháinig nó a d'fhéadfadh a theacht chun solais nó sábháilteachta maidir leat agus do phost. Caithfidh do fhostóir ligean duit a luaithe agus is féidir an sos a bhfuil i dteideal dó a thógáil. Mura dtógann tú an sos nuair a thairiscítear duit é, is ort atá an locht agus níl sé d'oibleagáid ar do fhostóir sos eile a thairiscint duit.