Liúntais oilúna FÁS
Eolas
Tá na cúrsaí oiliúna FÁS saor in aisce (seachas cúrsaí oíche) agus íocfar liúntas oiliúna leat i rith do chúrsa, má tá tú cáilithe. Is féidir leat cur isteach ar liúntas lóistín freisin má chaitheann tú maireachtáil as baile i rith an chúrsa agus liúntas taistil má mhaireann tú 3 mhíle nó níos mó ó láthair an chúrsa. D’fhéadfá cáiliú d’áit chúraim leanaí in aisce dod’ leanbh .
Tá ráta an liúntais sheachtainiúla nasctha le d'aois. Má tá d'íocaíocht leasa shoisialaigh faoi láthair níos airde ná an méid seo, áfach beidh an liúntas oiliúna cothrom leis. Níl na liúntais oiliúna FÁS inchánaithe.
Ó Eanáir 2010 amach, mura bhfuil daoine dífhostaithe i dteideal
íocaíocht cáilithe mar shampla, Liúntas
Cuardaitheora Poist nó Sochar
Cuardaitheora Poist, ní fhaigheann siad liúntas oiliúna nuair a
thosaíonn siad scéim FÁS. Áfach, má tá tú faoi bhun aois 18 agus ag
freastal ar Ionad
Oiliúna FÁS, gheobhaidh tú an liúntas oiliúna atá nasctha le d'aois
– féach ‘Rátaí’ thíos.
SOLAS
Táthar chun údarás
nua oideachais leanúnaigh agus oiliúna a bhunú. SOLAS (Seirbhísí
Oideachais Leanúnaigh agus Scileanna) an t-ainm a bheidh ar an údarás nua
seo. Tabharfar FÁS chun críche. Ní chuirfidh na hathruithe seo isteach ar
dhaoine atá ag freastal ar chursaí FÁS nó ar chursaí oideachais
leanúnaigh faoi láthair.
Íocaíochtaí leasa shóisialaigh agus liúntais oiliúna FÁS
Má tá tú ar chúrsa FÁS braithfidh do chúinse ar an íocaíocht leasa shóisialaigh a fhaigheann tú mar a leanas:
Sochar Cuardaitheora Poist nó Liúntas Cuardaitheora Poist
Beidh d'íocaíocht ar fhionraí ach gheobhaidh tú liúntais oiliúna FÁS de méid cothrom le d'íocaíocht leasa shóisialaigh
Gheobhaidh tú bónas oiliúna de €20 sa tseachtain má:
- Bhí tú ag fáil Sochar Cuardaitheora Poist nó Liúntas Cuardaitheora Poist ar feadh 12 mhí nó níos mó, nó
- Bhíonn tú ag dul ar aghaidh ó 12 mí ar a laghad i Scéim Fhostaíochta Pobail FÁS, nó i gclár Tionscaimh Poist FÁS, nó
- Bhí tú páirteach i meascán de na rudaí thuasluaite. Mar shampla, má bhí tú ag fáil Sochar Cuardaitheora Poist ar feadh 6 mhí agus a bheith ar Scéim Fhostaíochta Pobail ar feadh 6 mhí eile an bhliain roimhe sin.
Má tá tú faoi mhíchumas, cuireann FÁS socruithe solúbtha saoire bhreoiteachta i bhfeidhm, más gá.
Liúntas Míchumais nó Pinsean na nDall
- Cuirfear do Liúntas Míchumais nó Pinsean na nDall ar fionraí ach íocfar liúntas oiliúna FÁS de méid cothrom le d'íocaíocht leasa shóisialaigh leat
- Íocfar bónas oiliúna de €20 sa tseachtain leat freisin
- Coinneoidh tú do shochair bhreise, mar shampla cárta leighis nó pas taistil
Tá tuilleadh eolais ar fáil ar an suíomh gréasáin FÁS.
Íocaíocht Teaghlaigh Aontuismitheora
- Coinneoidh tú d'Íocaíocht Teaghlaigh Aontuismitheora (ach beidh sé laghdaithe toisc bheidh do liúntas oiliúna FÁS measúnaithe i gcoinne é mar ioncam)
- Gheobhaidh tú liúntais oiliúna FÁS
- Ní íocfar an bónas oiliúna de €20 sa tseachtain leat mura mbíonn tú ag dul ar aghaidh ó 12 mí ar a laghad i Scéim Fhostaíochta Pobail FÁS, nó i gclár Tionscaimh Poist FÁS,
Rátaí
Tá liúntais oiliúna seachtainiúla ó 1 Eanáir 2012 mar a leanas:
| Aois | Lán-aimseartha | Páirt-aimseartha |
| 16-17 bliana* | €40 | €23 |
| 16 bliana (fáltaí Liúntas Míchumais) | €76.65 | €44.10 |
| 17 bliana (fáltaí Liúntas Míchumais) | €95.75 | €55.10 |
| 18 bliana agus níos mó | €188 | €108.20 |
* Baineann na rátaí seo le hiontrálaí nua seachas fáltaí Liúntas Míchumais ó 1 Eanáir 2012.
Má tá d'íocaíocht leasa shoisialaigh faoi láthair níos airde ná an méid seo, áfach beidh an liúntas oiliúna cothrom leis.
Conas iarratas a dhéanamh
Chun iarratas a dhéanamh le áit a fháil ar chúrsa oiliúna FÁS,
caithfidh tú clarú ar dtús le d'Oifig
Séirbhíse Fostaíochta Áitiúil FÁS. Cuirfear agallamh ort chun an
cúrsa is fearr do do riachtanaisí a aimsiú. De bharr an bhrú atá ar chuid
de na cúrsaí, b'fhéidir nach bhfaighfeá áit láithreach ar an gcúrsa is
mian leat. Is féídir leat cúrsaí
oiliúna FÁS a aimsiú ar líne.
Teanga
Ábhar Gaolmhar
- Clár Oiliúna Náisiúnta FÁS
Cuireann an doiciméad seo cur síos ar Chlár Oiliúna Náisiúnta FÁS, le eolas ar conas a oibríonn sé, cé dó atá sé, conas iarratas a dhéanamh agus céard iad na liúntais atá ar fáil do na traenálaí atá páirteach sa chlár. - Cúrsaí oiliúna FÁS
Cur síos ar an oiliúint ghairmiúil atá ar fáil trí FÁS, suíomhanna na gcúrsaí, intofacht, agus na liúntais atá ar fáil. - Na híocaíochtaí míchumais agus obair
D'fhéadfá bheith ag obair agus ceachtar d'íocaíocht mhíchumais go léir nó cuid de a choinneáil. Faigh amach conas is féidir le obair athslánaithe difear a dhéanamh dod' Liúntas Míchumais, Pinsean na nDall, Pinsean Easláinte nó Sochar Breoiteachta agus aon shochar tánaisteach atá á fháil agat.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.