Scéimeanna um dheontais do mhic léinn bhreisoideachais agus ardoideachais

Scéim um Dheontais do Mhic Léinn

Tá an Scéim um Dheontais do Mhic Léinn (pdf) agus na Rialacha Tacaíocht Mac Léinn (pdf) déanta faoin Faoin Acht um Thacaíocht do Mhic Léinn 2011 (pdf)

Tá deontais do mhic léinn roinnte ina ndá chuid – deontais cothabhála agus deontais táillí.

Deontais Cothabhála

Is ranníocaíocht do chostais maireachtála an mhic léinn atá sa deontas cothabhála. Ní cháilíonn mic léinn a thosaigh nó atá ag tosú ar chúrsaí ón mbliain acadúil 2010.2011 ar aghaidh le haghaidh deontais cothabhála má tá siad ag fáil Liúntas um Filleadh ar Oideachas nó Liúntas VTOS.

Tá deontais cothabhála ar fáil do chúrsaí formheasta atá níos ísle ná leibhéal na céime in Éirinn agus stáit eile de chuid an AE agus do chúrsaí iarchéime formheasta in Éirinn agus i dTuaisceart Éirinn.

Deontais Táillí

Is féidir le deontais táillí aon cheann de na heilimintí seo a leanas a chlúdach:

• Táillí teagaisc ar fad nó cuid dóibh
• Cuid de ranníocaíocht an mhic léinn nó í ar fad
• Na costais a bhaineann le turais páirce riachtanacha

Go ginearálta, má tá tú i dteideal deontais cothabhála beidh tú i dteideal gach eilimint den deontas táillí. Ach ní bhfaighidh tú an chuid teagaisc de dheontas táillí má tá tú i dteideal teagaisc shaor in aisce faoi na Scéimeanna um Tháillí Shaor in Aisce.

Is féidir le mic léinn a shásaíonn na coinníollacha ar fad do dheontas cothabhála seachas cónaí sa Stát ar feadh ar a laghad 3 den 5 bliana deiridh (ar a nglaoitear ‘mic léinn teagaisc’ faoi Scéim Deontas na Mac Léinn) cáiliú le haghaidh deontais táillí.

Tá deontais táillí ar fáil do chúrsaí formheasta atá níos ísle ná leibhéal na céime in Éirinn agus do chúrsaí iarchéime formheasta in Éirinn agus i dTuaisceart Éirinn. Ach, ní aon deontas táillí do chúrsaí Iar-Ardteistiméireachta (PLC) nó do chúrsaí i mballstáit eile de chuid an AE.

Féach ‘Cúrsaí agus institiúidí formheasta’ thíos le haghaidh tuilleadh sonraí.

An chaoi a ndéantar deontais do mhic léinn a riar

Faoin Scéim Deontais nua do Mhic Léinn, leanfaidh údaráis áitiúla ar aghaidh ag déileáil le deontais do mhic léinn i leith na nithe seo a leanas:

• Ollscoileanna
• Institiúidí oideachais leagtha síos in Éirinn (cosúil le coláistí oideachais)
• Cúrsaí fochéime formheasta in institiúidí oideachais formheasta san AE
• Cúrsaí iarchéime formheasta in institiúidí oideachais formheasta i dTuaisceart Éireann

Déileáladh leis na deontais seo tríd an Scéim Deontais Ard-Oideachais cheana.

Leanfaidh Coistí Gairmoideachais (VECanna) ar aghaidh ag déileáil le deontais do chúrsaí formheasta sna hinstitiúidí seo a leanas:

• Ionaid Iar-Ardteistiméireachta (PLC) formheasta
• Institiúidí Teicneolaíochta

Déantar athbhreithniú ar dheontas do mhic léinn gach bliain. Más rud é go raibh deontas agat don bhliain 2010/2011 agus má tá tú ag leanúint ar aghaidh le do chuid staidéir ar an gcúrsa sa bhliain 2011/2012 déanfaidh d’údarás áitiúil nó do VEC teagmháil leat chun athnuachan nó athmheasúnú a dhéanamh ar do dheontas do mhic léinn don bhliain 2011/2012.

Ag cáiliú do dheontas do mhac léinn

Deontas cothabhála

Chun a bheith i dteideal deontas cothabhála, ní mór duit coinníollacha na scéime a shásamh i leith:

• Náisiúntacht agus stádas inimirce
• Cónaí
• Acmhainní

Ní mór duit a bheith ag freastal ar chúrsa formheasta in institiúid fhormheasta – féach ‘Cúrsaí formheasta agus institiúidí formheasta’ thíos.

Is coinníollacha cruinn iad seo maidir le leibhéal a chúrsa ar a bhfuil tú ag freastal; más rud é gur fhreastal tú ar chúrsa den leibhéal céanna cheana’ agus más rud é go seasann an cúrsa mar dhul chun cinn ón staidéar atá déanta agat cheana.

Go ginearálta, ní bhfaighidh tú deontas chun bliain a dhéanamh in athuair nó chun freastal ar chúrsa nach seasann do dhul chun cinn ón méid atá déanta agat cheana. Tá na coinníollacha seo mionsonraithe in ailt 14 go 17 den Scéim Deontais do Mhic Léinn (pdf). Ach, d’fhéadfadh ‘mic léinn dara seans’ a bheith i dteideal deontais. Is éard is ‘mac léinn dara seans’ ann ná duine atá níos sine ná 23 bliain, nár chríochnaigh cúrsa go rathúil cheana agus atá ag filleadh ar chúrsa formheasta tar éis 5 bliana ar a laghad.

Deontas táillí

Má tá tú i dteideal deontais cothabhála beidh tú i dteideal gach eilimint chuí den deontas táillí. Más rud é nach raibh tú i do chónaí de réir an dlí sa Stát seo ar feadh 3 den 5 bliana imithe tharainn, ach má chomhlíonann tú na critéir ar fad eile do dheontas cothabhála, seans go mbeidh tú fós i dteideal deontais táillí mar 'mac léinn teagaisc' faoin Scéim.

Náisiúntacht agus stádas inimirce

Le cáiliú do dheontas cothabhála caithfidh tú:

• A bheith i do shaoránach de bhallstát de chuid an AE nó an LEE; nó den Eilvéis

Nó

• a bheith ball teaglaigh de duine mar thuas, le cead fanacht sa Stát toisc thú a bheith ball teaglaigh don duine seo faoin Rialacháin na gComhphobal Eorpach (Saorghluaiseacht Daoine) 2006 agus 2008 agus cearta Conartha AE.

Nó

• Stádas dídeanaí a bheith agat

Nó

• Cead daonnúil a bheith deonaithe duit fanacht in Éirinn (níl náisiúnaigh choigríche a bhfuil cead fanacht deonaithe dóibh faoin scéim Scéim um Leanaí a Rugadh in Éirinn - LRÉ/05 incháilithe)

Nó

• Teidlíocht fochosanta a bheith agat nó cead a bheith deonaithe duit fanacht in Éirinn de réir Rialachán na gComhphobal Eorpach (Teidlíocht Cosanta) 2006 (pdf)

Nó

• Cead fanacht a bheith agat i ndiaidh cinnidh nach ndéantar ordú díbeartha

Nó

• Cead a bheith agat fanacht in Éirinn toisc thú a bheith pósta nó i bpáirtnéireact shibhialta le saoránach d'Éirinn atá ina c(h)ónaí anseo nó más leanbh le duine dá leithéid thú

Áit chónaithe

Ó bhliain acadúil 2010/2011 ní mór duit bheith i do chónaí go dleathach sa Stát ar feadh 3 bliana as na 5 bliana roimhe seo chun cáiliú le haghaidh deontais chothabhála. Áfach, má dhéanann tú staidéar ar cháilíocht aitheanta in áit eile san AE agus bhí tú i do chónaí sa Stát ar feadh 3 bliana as na 5 bliana roimh thús an chúrsa, tá an coinníoll seo sásta. Tá cur síos faoin riachtanas seo ar studentfinance.ie.

Má shásaíonn tú iomlán critéir maidir le deontas chothabhála seachas an riachtanas cónaithe, d'fhéadfá cáiliú maidir le deontas táillí mar 'mac léinn teagaisc'

Ní mór go raibh gnáthchónaí ar do thuismitheoirí nó do chaomhnóirí, nó ort féin más iarrthóir neamhspléach aibí thú (féach thíos), i gceantar riaracháin an údaráis áitiúil ón 1 Deireadh Fómhair sula ndéanann tú iarratas ar an deontas.

Tástáil mhaoine

Pléitear leat mar chleithiúnach má bhí tú i do chónaí le do thuismitheoirí ó 1 Deireadh Fómhair na bliana roimh tosach an chúrsa agus meastar aon ioncaim atá agat in éineacht le ioncam do thuismitheoirí. Tá tuillimh ó fhostaíocht lasmuigh den am téarma ceadaithe suas go €3,809 faoi láthair.

Is iarrthóirí lánfhásta neamhspleácha iad na hiarrthóirí os cionn 23 bliana d'aois nach bhfuil ina gcónaí lena dtuismitheoirí ón 1 Deireadh Fómhair na bliana roimh bhliain an iarratais. Más mac léinn neamhspleách thú déantar thú a mheasúnú de réir d'ioncaim féin (agus de réir ioncaim do chéile, pháirtnéir sibhialta nó chomhchónaitheoir.

Tá an tástáil acmhainne do dheontas mic léinn i 2011/2012 bunaithe ar ioncam do theaghlaigh ón mbliain cánach iomláin roimhe (2010). Ach, más rud é gur athraigh do chúinsí nó cúinsí do theaghlach (agus más dóchúil go bhfuil sé buan) ó 31 Nollaig 2010, d’fhéadfadh do chúinsí athraithe a bheith tógtha san áireamh.

Tá íocaíocht leasa shóisialaigh áirithe eisiata ó ‘ioncam inríofa’ ar mhaithe le deontais cothabhála – féach tuilleadh eolais ar ioncam inríofa ar studentfinance.ie.

Teorainneacha ioncaim ar mhaithe le deontas cothabhála agus táille

Tá na teorainneacha ioncaim ar mhaithe le deontas cothabhála i 2011/2012 leagtha amach sa tábla thíos. Is féidir leat bheith cáilithe le haghaidh na teorainneacha seo ar mhaithe le deontas táille freisin (má tá tú i dteideal).

Teorainneacha ioncaim do dheontas páirt-táille

Tá na teorainneacha ioncaim teaghlaigh chun a bheith i dteideal deontais páirt-táille sa bhliain 2011/2012 leagtha amach thíos.

Baill eile den teaghlach ag freastal ar choláiste

Má tá ball eile den teaglach ag freastal ar chúrsa lánáimseartha mar atá sonraithe sa Scéim um Dheontais do Mhic Léinn (pdf) agus na Rialacha Tacaíocht Mac Léinn (pdf) ar feadh bliain amháin ar a laghad, d'fhéadfaí na teorainneacha ioncaim a ardú mar a leanas.

• Deontas iomlán cothabhála agus díolúnú ó mhuirear an mhic léinn amháin: €4,980 i gcás beirt leanaí den chineál seo, €9,960 i gcás triúr leanaí den chineál agus mar sin, ag ardú faoi €4,980.
• Deontas laghdaithe cothabhála 75%, 50%, 25% €4,815 i gcás beirt leanaí den chineál seo, €9,630 i gcás triúr leanaí den chineál agus mar sin, ag ardú faoi €4,815

Más iarratasóir neamhspleách thú, is é an ball teaghlaigh a thógtar san áireamh ná do chéile, do pháirtí sibhialta nó do chomháiritheoir. Má tá tú ag brath ar do thuismitheoirí, is iad na baill teaghlaigh a thógtar san áireamh ná do thuismitheoir(í) agus páistí cleithiúnacha eile.

Deontais bhreise do mhic léinn faoi mhíbhuntáiste

Is féidir le mac léinn faoi mhíbhuntáiste atá in ann coinníollacha áirid a shásamh deontas breise a fháil.

Ní mór do na hiarrthóirí a bheith i dteideal an ghnáthdheontais chothabhála don bhliain acadúil 2011/2012 agus ní féidir lena n-ioncam measta don bhliain chánach Eanáir – Nollaig 2010 a bheith ós cionn €22,703 glan ar Mhéadú do Leanbh Cáilithe agus na gnáthíocaíochtaí eile a ndéantar neamhaird orthu.

Má tá mic léinn, mic léinn aibí san áireamh, measta ar ioncam a dtuismitheoirí/a gcaomhnóirí ní mór go raibh siad siúd ar an 31 Nollaig 2010 ag déanamh éilimh ar:

• Íocaíochtaí fadtéarmacha leasa shóisialaigh, nó
• Íocaíocht Bhreise Teaghlaigh, nó
• Ag glacadh páirte i gcláracha ainmnithe (e.g., clár traenála FÁS).

Tá na híocaíochtaí agus cláir liostaithe sa Sceideal 2 na Scéime um Dheontais do Mhic Léinn 2011 (pdf).

Má tá mic léinn measta ar a n-ioncam féin, ní mór go raibh siad ar an 31 Nollaig 2010 ag fáil aon cheann de na híocaíochtaí leasa shóisialaigh a luaitear thuas, nó ag glacadh páirte i gclár ainmnithe.