Táillí do scoláirí tríú leibhéal

Táillí

Táillí saor in aisce

Chun cáiliú do thaillí saor in aisce caithfidh go raibh tú i do chónaí i mballstát LEE nó san Eilbhéis do ar a laghad 3 bliana as na 5 cinn roimh thús do chúrsa. Is iad na baill den LEE (an Limistéir Eacnamaíochta Eorpach) ná na 27 ball den AE, chomh maith leis an Íoslainn, an Iorua agus an Lichtinstéin.

Caithfidh tú ceann de na 6 chritéir a leanas i ndáil le saorántacht agus cearta cónaithe in Éirinn a chomhlíonadh:

Caithfidh tú:

1. A bheith i do shaoránach de bhallstát LEE (féach thuas) nó an Eilbhéis nó
2. Stádas dídeanaithe oifigiúil a bheith agat nó
3. A bheith i do bhall teaghlaigh do dhídeanach agus cead bronnta ort cónaí sa Stát nó
4. A bheith i do bhall teaghlaigh do náisiúnach AE agus cead a bheith agat cónaí sa Stát leis an stampa “4EUFAM” ar do chárta cónaithe nó
5. Cead fanachta daonnúlach a bheith bronnta ort don Stát nó
6. Cead a bheith bronnta ort fanacht sa Stát ón Aire Dlí agus Cirt agus Athchóirithe Dlí, tar éis cinneadh ón Aire gan ordú díbeartha a bheith déanta faoi Roinn 3 den Acht Inimirce 1999.

Caithfidh tú na 3 riachtanas cúrsa a leanas a chomhlíonadh chomh maith:

1. Caithfidh tú a bheith ag tabhairt faoi chúrsa fochéime lánaimseartha de ar a laghad 2 bhliain marthanachta (nó cúrsaí ar leith atá níos giorra in institiúidí teicneolaíochta).
2. Caithfidh tú a bheith i do fhochéimí céaduaire. (D’fhéadfaí go gcuirfí cáilíochtaí fochéimithe réamhtheachtacha san áireamh áit a dtugtar eisceachtaí do mhac léinn atá ag leanúint cúrsa fochéime níos airde suas chuig uasmhéid Leibhéal 8 ar an Creat Náisiúnta Cáilíochtaí).
3. Go ginearálta, ní fhéadfaidh tú a bheith ag athdhéanamh na bliana mar gheall ar theip i do chuid scrúduithe nó athrú cúrsa. Is féidir an t-eiseamh seo a tharscaoileadh má athdhéanann tú bliain mar gheall ar thromthinneas deimhnithe. Tá roinnt eisceachtaí ann freisin do mhic léinn in institiúidí teicneolaíochta atá ag athrú cúrsaí.

Tá na cúrsaí a dtéann na socruithe táillí saor in aisce do chúrsaí fochéimithe i bhfeidhm orthu:

• In ollscoileanna
• In institiúidí teicneolaíochta
• I gcoláistí oideachais atá maoinithe go poiblí
• I gColáiste Náisiúnta na hÉireann
• I roinnt institiúidí oideachais reiligiúin

Ní bhaineann taillí saor in aisce le cúrsaí i gcoláistí príomhaideacha, is cuma faomhadh ó Comhairle na nDámhachtainí Ardoideachais agus Oiliúna (CDAO) acu nó nach bhfuil. Ní dóthain go bhfuil cúrsa atá liostaithe ag an Lár-Oifig Iontrála (LOI) leis féin, chun cúrsa saor ó tháillí a dhéanamh de.

Tá eolas sonrach ar chúnamh le táillí teagaisc ar fáil ag airgeadasmacleinn.ie.

Táillí AE

Mura gcáilíonn tú do tháillí saor in aisce d’fhéadfaí go mbeifeá incháilithe do Rátaí taillí AE:

• Má chomhlíonann tú ceann de na 6 chritéir cearta saorántachta agus cónaitheacha liostaithe thuas ach nach gcomhlíonann tú gach ceann de na riachtanais cúrsa thuas (mar shampla is saoránach Éireannach tú ach tá tú ag athdhéanamh bliain ar theip tú) nó
• Mura gcomhlíonann tú aon cheann de na 6 chritéir cearta saorántachta agus cónaitheacha liostaithe thuas ach a raibh tú i do chónaitheach cánach do roinnt blianta i mballstát LEE nó san Eilbhéis (mar gheall gur comhlachtaí uathrialaitheacha iad institiúidí tríú leibhéal, áfach, is ag lánrogha na hinstitiúide atá i gceist é seo).

Mura gcáilíonn tú do tháillí AE, is féidir taillí neamh-AE a ghearradh ort. Leagann gach institiúid tríú leibhéal amach a ráta táillí féin. Ba cheart duit dul i dteagmháil le hinstiúidí tríú leibhéal a bhfuil suim agat iontu chun níos mó a fháil amach faoina dtáillí – féach ‘An áit a gcuirtear isteach air’ thíos.

Táillí iarchéime

Go ginearálta, beidh ort táillí a íoc do chúrsa iarchéime. Do chúrsaí iarchéime atá fordheonaithe faoin gClár Tiontú Scileanna Céimithe, tá táille laghdaithe, is é sin, €2,750 don bhliain 2012/13.