Bearta le dul i ngleic le míbhuntáiste oideachasúil

Ag soláthar Comhdheiseanna i Scoileanna (SCS)

Tá réimse de chláir náisiúnta i bhfeidhm ag an Roinn Oideachais agus Scileanna chun dul i ngleic le míbhuntáiste oideachasúil sa chóras scoile phoiblí. I 2005, tar éis athbhreithnithe na gclár seo, d'fhoilsigh an Roinn “DEIS - Delivering Equality of Opportunity in Schools: an action plan for social inclusion” (pdf). Tugann an plean cuid de na cláir le chéile faoi chreatlach Ag Soláthar Comhdheiseanna i Scoileanna (SCS). Is cur chuige níos comhtháite é do cheist an chuimsithe oideachasúil dhéanann soláthar i gcomhair:

• Córas caighdeánaithe chun leibhéil míbhuntáiste a aithint agus a athbhreithniú ó am go ham agus
• Clár Tacaíochta Scoile (CTS) nua comhtháite a thabharfaidh le chéile agus a neartóidh na scéimeanna agus na cláir atá ann cheana féin mar seo a leanas

Tá liosta ann de na scoileanna sa Chlár Tacaíochta Scoile.
Ó 2005 tá na cláir seo leanas agus atá ann cheana féin á gcomhtháthú sa Chlár Tacaíochta Scoile faoi SCS. Tá sé beartaithe clár Tacaíochta Scoile comhordanáidithe amháin a bhunú, chun go mbeadh An Scéim Teagmhála Baile Scoile agus an Phobail (STBSP), an Clár um Chríochnú Scoile (CCS) agus an tSeirbhís Múinteoir Cuairte ann don Lucht Siúil (SMCLS) comhtháite faoin mBord Náisiúnta Leasa Oideachais. Is féidir an tuairisc is deireanaí ar an tionscadal seo a léamh.

Scéim Réamhscoile an Tús Luath

Is scéim coisctheach idirghabhála aon bhliain An Tús Luath tairgthe do pháistí réamhscoile (3 go 4 bliana d'aois) i roinnt scoileanna i gceantair a aithnítear a bheith faoi mhíbhuntáiste. Tá níos mó mioneolais faoi Thús Luath ar fáil.

Scéim faoi Cheantair Mhíbhuntáiste

Tá 311 scoileanna náisiúnta ar fad in Éirinn ainmnithe mar scoileanna faoi mhíbhuntáiste. Ciallaíonn sé seo go bhfaigheann siad tacaíocht níos mó maidir le cóimheas múinteoir/dalta, deontais speisialta agus tacaíocht bhreise do dhaltaí. I láthair na huaire 'sé uasmhéid ranga ná 15 dalta i ranganna sinsearacha agus 20 i ranganna bunscoile. Tá tuilleadh eolais ar fáil faoin Scéim faoi Cheantair Mhíbhuntáiste.

Tabhair Cothrom na Féinne do Pháistí faoi mhíbhuntáiste

Faoin tionscnamh ag Caitheamh go Cothrom le Páistí trí dul i ngleic le Míbhuntáiste, cuirtear acmhainní teagaisc agus airgeadais sa bhreis ar fáil do na scoileanna rannpháirteacha sa scéim i dtreo is gur féidir lena bpáistí tairbhe a bhaint as oideachas den scoth, is cuma cad iad a gcúinsí sóisialta nó eacnamúla. Is cuid de DEIS an tionscnamh soe anois.

Ag Briseadh an Timthrialla

Ba í "Tionscadal Míbhuntáiste Oideachasúla Ag Briseadh an Thimthrialla" an chéad scéim laistigh den Roinn a dhírigh ar idirdhealú dearfach i bhfabhar daltaí ó chúlraí faoi mhíbhuntáiste. Dhírigh an scéim 'Ag Briseadh an Timthrialla' ar mhíbhuntáiste uirbeach ar scála mór agus ar mhíbhuntáiste tuaithe agus scaipthe. Na scoileanna go léir sa scéim Ag Briseadh an Timthrialla, tá siad sa scéim Tabhair Cothrom na Féinne do Pháistí faoi Mhíbhuntáiste anois ach coimeádann siad na tairbhí breise a tugadh dóibh faoi 'Ag Briseadh an Timthrialla'.

An Clár um Chríochnú Scoile

Tá sé mar aidhm ag an Clár um Chríochnú Scoile cabhrú le daltaí ó cheantair faoi mhíbhuntáiste fanacht ar scoil chun an Ardteistiméireacht a chríochnú.

Tionscadal um Mhúinteoirí Tacaíochta

Tá sé mar aidhm ag an Tionscadal um Mhúinteoirí Tacaíochta cur chuige lán-scoile i leith disciplín a chomhordú a chabhróidh le chosc a chur ar iompar suaiteach. Go hiondúil, díríonn an múinteoir tacaíochta ar dháréag go cúigear déag de na daltaí is suaití agus is suaithmheonaí sa scoil agus oibríonn leis na daltaí seo ar bhonn dhuine ar dhuine nó i ngrúpaí beaga.

An Scéim Teagmhála Baile Scoile agus an Phobail

Tá sé mar aidhm ag an Scéim Teagmhála Baile Scoile agus an Phobail feabhas a chur ar chomhoibriú idir bhaile, scoileanna agus pobail chun leasanna oideachasúla na ndaltaí faoi mhíbhuntáiste a chur chun cinn.

Scéimeanna eile

An Scéim Mhúinteora Tacaíochta Foghlama

Soláthraíonn múinteoirí tacaíochta foghlama tacaíocht bhreise múinteoireachta do pháistí a mbíonn deacrachtaí foghlama acu, go háirithe i gcroí limistéir na litearthachta agus na huimhearthachta. Go ginearálta, soláthraítear an tacaíocht bhreise seo i bhfoirm na múinteoireachta breise i ngrúpaí beaga nó ina n-aonar.

Clár na mBéilí Scoile

Tá sé mar aidhm ag Clár na mBéilí Scoile cur le haistí bia na bpáistí scoile ó chúlraí faoi mhíbhuntáiste chun a gcumas a chomhlíonadh laistigh den chóras oideachais agus chun baol fágála na scoile go luath a laghdú. Tá dhá scéim ann.

Tacaíonn an Scéim Uirbeach le béilí scoile i mbunscoileanna i gceantair uirbeacha. Ceapairí nó borróga agus bainne atá i gceist sa chlár seo. Ní in ionad béilí baile an scéim seo.

Tugann Scéim na dTionscadal áitiúil maoiniú go díreach do scoileanna náisiúnta agus do mheánscoileanna, do ghrúpaí áitiúla agus d'eagraíochtaí deonacha, a oibríonn a dtionscadail bhéilí scoile féin (d'fhéadfadh na béilí a bheith te nó fuar). Clúdaíónn an scéim naíonraí atá ag freastal ar pháistí réamh-scoile faoi mhíbhuntáiste. Caithfidh na béilí seo a bheith dírithe ar cheantair faoi mhíbhuntáiste nó ar pháistí le riachtanais speisialta. Cuirtear maoiniú ar fáil ar bhonn ráta de réir an bhéile de réir an pháiste.
Tagann maoiniú i gcomhair béilí scoile ón Roinn Coimirce Sóisialaí agus ó na húdaráis áitiúla.