Socruithe scrúdaithe do scoláirí faoi mhíchumas

Eolas

Féadtar socruithe speisialta a dhéanamh do dhaltaí sna scoileanna dara leibhéal in Éirinn nuair a dhéanann siad na scrúduithe Stáit. (Is é sin le rá, scrúduithe na hArdteistiméireachta agus an Teastais Shóisearaigh). Is féidir le hiarrthóirí le míchumais acu (mar shampla, laigeachtaí físe, laigeachtaí mótair agus gluaiseachta, srl.) cur isteach trína scoil chun cóir réasúnach a fháil le linn na scrúduithe.

Cén cineál 'córa réasúnaí' a bhíonn ar fáil?

Áirítear iad seo a leanas leis na samplaí de chóir réasúnach:

• Foráil do leaganacha méadaithe agus/nó Braille de cheisteanna um dhaltaí le laigeachtaí físe.
• Is féidir leat ríomhairí guth-ghníomhachtaithe, téip-thaifeadáin nó scríbhneoirí (déanann daoine eile an scríbhneoireacht).
• Féadann tú do scrúdú a dhéanamh in ospidéal nó in aon ionad saorsheasaimh eile.
• Féadann tú am breise a fháil freisin leis an scrúdú a chomhlíonadh. San Ardteistiméireacht, féadann tú 20 nóiméad breise a fháil i roinnt ábhar - An Ghaeilge, An Béarla, An Stair agus An Tíreolas.
• Más duine bodhar tú nó má tá lagchumas éisteachta agat, d'fhéadfaí go dtabharfaí díolúine duit ón gcuid cluastuisceana den scrúdú.

Tá sé tábhachtach go mb'fheasach duit go bhféadann daltaí le riachtanais speisialta cur isteach le cuid den scrúdú Stáit a tharscoileadh agus go dtabharfaí marc as 100% dóibh ar fhuílleach an pháipéir. Eagraítear na scéimeanna náisiúnta marcála do na hábhair lena mbaineann sa chaoi is go gcinntítear go mbíonn an deis chéanna ag daltaí le riachtanais speisialta chun lán-mharcanna a bhaint amach, beag beann ar na codanna díolmhaithe den pháipéar.

Cóir ar féidir le do scoilse í a cheadú

Bíonn an t-údarás ag do scoilse chun forálacha speisialta a dhéanamh um dhaltaí le riachtanais speisialta le linn scrúduithe Stáit ar bhonn an ní is fearr a fheileann duitse. Áirítear le roinnt de na forálacha speisialta ar féidir le do scoilse a bheartú:

• Cógais, bia nó deochanna a thabhairt isteach san ionad scrúdaithe mar a dteastaíonn sin chun cúiseanna leighis.
• Úsáid de dheasc nó cathaoir speisialta a úsáidtear i do sheomra ranga
• Úsáid áiseanna lag-radhairc ar gnách duit a úsáid sa seomra ranga
• A chinntiú go gcuirtear daltaí bodhra agus le lagchumas éisteachta ina suí gar don fheitheoir scrúdaithe
• Bristeacha nó sosanna scíthe a cheadú i ngach seisiún scrúdúcháin, de réir mar a theastaíonn ó do riocht colainne nó míochaine. (Faoin bhforáil faoi leith seo, is féidir cúiteamh don achar scíthe nó sosa ag deireadh gach tréimhse scrúdúcháin suas go huasmhéad de 20 nóiméad).
• Do chuid scrúduithe a dhéanamh san ospidéal má bhaineann taisme duit díreach sula ndéanann tú na scrúduithe nó lena linn. Ní mór duit dul i dteagmháil leis an scoil láithreach má tharlaíonn sin.

Mura bhfuil tú sásta leis na socruithe atá beartaithe, is féidir leat achomharc a thabhairt chuig coiste neamhspleách na n-achomharc. Roghnaítear baill an choiste seo taobh amuigh den Choimisiún agus pléitear le gach achomharc i gcomhthéacs na bprionnsabal a leag síos an Grúpa Comhairleach Saineolach ar Scrúduithe Teastais.