Scéim Timpeallachta na Scoileanna Glasa

Eolas

Craobh na hÉireann den chlár agus scéim dámhnachta idirnáisiúnta oideachais timpeallachta ar a tugtar Eco-Scoileanna í Scoileanna Glasa. Tá sé dírithe ar eolas a thabhairt do mhic léinn ar cheisteanna timpeallachta agus forbairtí inmharthanachta tríd staidéar ranga. Is é an Fhondúireacht um Oideachas Timpeallachta atá ag riaradh Eco-Scoileanna, eagraíocht a bunaíodh sa bhliain 1981 le daoine a chur ar an eolas maidir le ceisteanna timpeallachta agus chun tionchar a bheith acu ar athrú tríd an oideachas.

Tá Scoileanna Glasa dhá rith ag An Taisce, eagraíocht neamhspléach, timpeallachta neamh-rialtais i gcomhair leis na húdaráis áitiúla in Éirinn. Cuireann an scéim bealach maith sonraithe, insmachtaithe ar fáil le ceisteanna timpeallachta atá sa churaclam a chur i bhfeidhm i reachtáil laethúil na scoile. Tugann an córas seo deis do mhic léinn tábhacht na gceisteanna timpeallachta a thuiscint agus a bheith dáiríre futhu ina saoil phearsanta agus baile.

Buntáistí na scéime Scoileanna Glasa

Cuidíonn an scéim Scoileanna Glasa le scoileanna:

• Timpeallacht na scoile a fheabhsú
• Brúscar agus dramhaíl a laghdú
• Billí breosla a laghdú
• Eolas timpeallachta a scaipeadh
• An pobal áitiúil a bheith páirteach
• Poiblíocht áitiúil a fháil
• Naisc le scoileanna eile in Éirinn agus thar lear a chothú.

Eco-lipéad aitheanta a bhfuil meas air don oideachas agus obair thimpeallachta í Bratach Uaithne Eco-Scoileanna. Bronntar í ar scoileanna a bhaineann ard chumas amach ina gcláracha aonair. In Éirinn bronntar an damhachtain Scoileanna Glasa ar scoileanna a chuireann 7 gcéim an chláir i gcrích go sásúil. Bronntar Bratach Glas mar dhamhachtain na Scoileanna Glasa gur féidir a chrochadh taobh amuigh den scoil nó sa halla iontrála. Cuirfear teastas, lógó don pháipéar ceannteidil agus ábhar bolscaireachta eile ar fáil do bhuaiteoirí freisin.

Seacht gCéim i Scéim na Scoileanna Glasa

Is iad seo a leanas 7 gcéim an chláir Scoileanna Glasa:

• Coiste Scoileanna Glasa: Díríonn an chéim seo rannpháirtíocht na scoile sa togra. Is fearr go mbeadh daltaí, múinteoirí, foireann nach múinteoirí iad, bainistíocht agus tuismitheoirí ar an gcoiste.
• Athbhreithniú timpeallachta: Tá scrúdú ar thionchair thimpeallachta na scoile i gceist sa phróiséas seo ar mhaithe le spriocanna gníomhaíochta agus feabhais a aimsiú.
• Plean gníomhaíochta: Spriocanna faoi leith gur féidir a bhaint amach a leagan síos atá i gceist sa chéim seo chomh maith le dátaí ina mbeidh na cuspóirí bainte amach.
• Monatóireacht agus measúnú: Déantar cinnte sa chéim seo go bhfuil monatóireacht déanta ar an dul chun cinn le sprioc a bhaint amach, go bhfuil leasuithe déanta nuair is gá agus go ndéantar an obair rathúil a cheiliúradh.
• Obair churaclaim: Ábhair churaclaim a sholáthar atá i gceist anseo le smaointe a thabhairt conas ceisteanna timpeallachta a thabhairt isteach mar chuid de na ceachtanna ranga.
• Eolas agus rannpháirtíocht: Clár bolscaireachta a fhorbairt atá i gceist anseo ina mbíonn an scoil agus an pobal ar fad rannpháirteach le taispeántais, tionóil agus clúdach ó na meáin chumarsáide. Bíonn an scoil ar fad páirteach i Lá Gníomhaíochta chomh maith leis an bpobal áitiúil le spriocanna na scoile a bhaint amach.
• Cód Glas: Ráiteas é seo go bhfuil an scoil dírithe ar deaiompar timpeallachta a chur i bhfeidhm.

Tar éis tréimhse rannpháirtíochta, déantar measúnú ar chonas ar éirí leis na céimeanna seo chomh maith le cur i bhfeidhm na scoile agus an clár iomlán Scoileanna Glasa do gach scoil. Bronntar ansin Bratach Glas Eco-Scoileanna ar na scoileanna ar éirigh leo an scéim a chur i gcrích.