An Scéim Caidrimh Baile- Scoile
- Cad í an Scéim Theagmhála Baile, Scoile agus an Phobail?
- Conas is féidir liom rochtain a fháil ar an Scéim Theagmhála Baile, Scoile agus an Phobail?
Cad í an Scéim Theagmhála Baile, Scoile agus an Phobail?
Tacaíonn an Scéim Theagmhála Baile, Scoile agus an Phobail (TBSP) le daltaí a bhfuil drochfhreastal ar an scoil acu agus atá i mbaol an scoil a fhágáil go luath.
Tá an Scéim á maoiniú tríd an Roinn Oideachais agus á bainistiú ag Seirbhís Tacaíochta Oideachais Tusla (TESS) .
Tá sé mar aidhm ag an Scéim TBSP:
- Tacú le tuismitheoirí a bheith ina n-acmhainn dá bpáistí féin agus páirt a ghlacadh in oideachas a bpáiste
- Comhoibriú a chothú idir an baile, an scoil agus gníomhaireachtaí pobail cuí ar mhaithe le leas oideachasúil an pháiste
- Oibriú le tuismitheoirí chun iad a ullmhú agus tacú leo mar achmhainn dá bpáistí féin agus tuismitheoirí a spreagadh le bheith páirteach in oideachas a bpáiste
- Cabhrú le foghlaim an pháiste agus feabhas a chur ar a seans fanacht ar scoil
Is múinteoir ainmnithe sa scoil é an comhordaitheoir TBSP. Féadfaidh an comhordaitheoir TBSP:
- Cuairteanna a thabhairt ar an mbaile
- Ranganna tuismitheoirí agus cúrsaí eile a eagrú
- Tacaíocht a thabhairt do theaghlaigh agus a bpáiste agus iad ag bogadh tríd an gcóras oideachais
Oibríonn an comhordaitheoir go dlúth leis an gClár Críochnaithe Scolaíochta agus an tSeirbhís Leasa Oideachais.
Cuairteanna baile TBSP
Tá an chuairt bhaile ar cheann de na príomhbhealaí a oibríonn an comhordaitheoir TBSP leis an teaghlach chun dul chun cinn an pháiste ar scoil a fheabhsú.
Tugann an comhordaitheoir cuairt ar thuismitheoirí i dteach an teaghlaigh nó is féidir leo bualadh leo i scoil an pháiste, san Ionad Acmhainní Teaghlaigh nó in áit oiriúnach eile, más gá.
Le linn na cuairte baile cloiseann an comhordaitheoir TBSP tuairimí na dtuismitheoirí agus tugann sé eolas faoin scoil agus faoi sheirbhísí sa phobal.
Conas is féidir liom rochtain a fháil ar an Scéim Theagmhála Baile, Scoile agus an Phobail?
Tá an TBSP ar fáil i ngach scoil uirbeach DEIS (banda 1 agus banda 2) agus i ngach iarbhunscoil DEIS. Is féidir leat liosta na scoileanna DEIS a fheiceáil.
Aithneoidh an scoil páistí a bhfuil tacaíocht TBSP de dhíth othu.
Ba cheart duit dul i dteagmháil le príomhoide na scoile má tá tuilleadh eolais uait.
Is féidir leat tuilleadh a léamh sa Leabhrán Eolais do scoileanna DEIS ag glacadh páirt sa Scéim Theagmhála Baile is Scoile agus ar láithreán gréasáin na Roinne Oideachais.