Rialúchán na soláthraithe seirbhísí chúram leanaí réamhscoile in Éirinn

Rialacha

Díolúintí

Tá díolúine ó chur in iúl d’FSS ag soláthraithe cúram leanaí éagsúla lena n-airítear:

• Gaol den leanbh nó céile den ghaol sin (is é sin, an deartháir, deirfiúr, aintín, uncail, seantuismitheoir nó leastuismitheoir an linbh)
• Má tá tú ag tabhairt cúram do leanbh réamhscoile amháin nó níos mó ón teaghlach céanna agus níl leanaí ar bith eile (seachas do leanaí féin) i do theach cónaithe féin.
• Má tá tú ag tabhairt cúraim do nach mó ná triúr leanbh réamscoile ó theaghlaigh éagsúla (seachas do leanaí féin) i do theach cónaithe féin.

Na Rialacháin um Chúram Leanaí

Déantar na Rialacháin um Chúram Leanaí (Seirbhísí Réamhscoile) (Uimh.2) 2006 agus na Rialacháin um Chúram Leanaí (Seirbhísí Réamhscoile) (Uimh.2) (Leasú) 2006 faoi Chuid VIII den Acht um Chúram Leanaí 1991 agus forordaíonn na bearta a chaithfear cur ar bun chun riachtanais an Achta a chomhlíonadh. Áiríonn na Rialacháin Treoir Mhínithe do Riachtanais agus Nósanna Imeachta le haghaidh Fógartha agus Iniúchadh, rud a thugann treoir ar dea-chleachtas maidir le hábhar a tá clúdaithe ag na Rialacháin a n-áirítear mar a leanas:

Sláinte, leas agus forbairt an linbh
Duine atá ag seoladh seirbhís réamhscoile, cinnteoidh sé/sí go n-éascaítear foghlaim, forbairt agus leas gach linbh laistigh d’imeachtaí laethúla na seirbhíse trí na deiseanna cuí a chur ar fail, mar aon leis na heispéiris, na gníomhaíochtaí, an idirchaidhreamh, na hábhair agus an trealamh a oireann d’aois agus do stáid forbartha an linbh agus dá c(h)omhthéasc cultúrtha.

Garchabhair agus cúnamh leighis
Ní mór do bosca garchabhrach atá trealmhaithe go hoiriúnach le haghaidh leanaí agus socruithe i bhfeidhm chun glaoch ar chúnamh leighis i gcás éigeandála.

Bainistíocht agus soláthair foirne
Forálann an dlí go bhfuil duine atá ag seoladh seirbhís réamhscoile, cinnteoidh sé/sí go mbíonn líon go leor d’aosaigh inniúla ag maoirsiú na leanaí i gcónaí. (Is é atá i gceist le haosaigh “inniúla” daoine atá thar 18 bliana d’aois a bhfuil taithí cuí acu chun cúram a thabhairt do leanaí faoi bhun sé bliana d’aois nó a bhfuil cáilíocht chuí acu i gcúram na leanaí seo nó an bheith acu araon).

Ní mór seiceáil a dhéanamh ar gach ball foirne, gach mac léinn agus gach saorálaí a bhfuil teagmháil acu le leanbh trí theistiméireachtaí a fháil agus trí Seiceáil na nGardaí ón Garda Síochána.

Coibhnis aoiseach/ leanaí agus spáis

* I gcás a glacann seirbhís chúram lánlae leanaí nach bhfuil ar bhonn lánlae, baintear uimhreacha aoiseach seirbhíse seisiúnaigh.

Is féidir leis an FSS teorann a chur ar uaslíon leanaí réamhscoile ar féidir freastal orthu ag an am céanna. Tá sé mar aidhm san foráil seo plódú i seirbhísí réamhscoile a chosc. Má mholann FSS an líon leanaí a chosc, cuirfear in iúl don soláthraí agus beidh deis aige achomharc a chur isteach nó uiríll a dhéanamh faoin chinneadh seo.

Caithfidh duine atá ag seoladh seirbhís réamhscoile a chinntiú nach dtugtar pionós corpartha do leanbh réamhscoile atá ag freastal na seirbhíse. Caithfear go bhfuil polasaithe agus nósanna imeachta i scríbhinn i bhfeidhm chun déileáil le hiompraíocht dhúshlánach linbh agus chun an iompraíocht sin a láimhseáil agus chun cuidiú leis an leanbh a iompraíocht/hiompraíocht féin a láimhseáil.

Clár de leanaí réamhscoile

Caithfidh soláthraithe cúram leanaí réamhscoile clár a choinneáil a bhfuil sonraí gach linbh atá ag freastal ar an tseirbhís istigh ann lena n-áirítear an t-ainm, dáta breithe, uimhreacha teagmhála do thuismitheoirí agus do dhochtúir an linbh.

Eolais do thuismitheoirí

Caithfear eolas a thabhairt do thuismitheoirí faoin tseirbhís ina n-áirítear sonraí ar an duine atá i gceannas agus ar gach duine eile atá ag obair sa tseirbhís, coibhnis spáis an aoisigh/linbh, uaslíon agus réimse aoise na leanaí, an cineál cúraim, áiseanna, uaireanta oscailte agus táillí.

Áitreabh cúram leanaí agus áiseanna

Éilítear ar seirbhísí réamhscoile (ina n-áirítear feighlithe, ionaid 'buail isteach', créiseanna, srl.) cinntiú go gcomhlíonainn a gcuid áiseanna caighdeáin éagsúla, ina n-áirítear sna rialacha:

• Go bhfuil struchtúr an áitribh slán seasmhach agus oiriúnach le haghaidh seirbhís réamhscoile a sholáthair.
• Go gcuirtear dóthain spáis ar fáil le haghaidh gach leanbh san áitreabh
• Go gcoimeádtar na ceangaltáin, an t-áitreabh agus fearais i gcóir maith chuí, agus go bhfuil siad i riocht glan sláinteach agus cosaint acu ó inmhiolú.
• Go bhfuil dromchlaí troscáin, oibre agus súgartha glan, oiriúnach neamh tocsaineach agus á gcoinneáil i ndeisríocht cuí.
• Go bhfuil áiseanna daingne oiriúnacha ar fáil ag an leanbh réamhscoile le suaimhneas a ghlacadh agus le haghaidh súgartha taobh istigh agus taobh amuigh i rith an lae.

Éilítear ar sholáthraithe cúram leanaí réamhscoile cinntiú go bhfuil teas, aerú agus soilsiú; córas sláintíochta, stóráil agus diúscairt dramhaíola san áitreabh atá oiriúnach sásúil.

Cóiríocht sláintíochta

• Caithfear socruithe dóthain a chur ar bun chun dóiteáin a mhúchadh. Caithfear go mbeidh an fhoireann oilte in úsáid trealaimh. Ní mór don fhoireann agus leanaí réamhscoile bheith eolach ar nósanna imeachta aslonnaithe agus eile.
• Caithfear go bhfuil feisteas cosaint seasta ar gach dromchla astaithe teasa nó bheith faoi réir teirmeastait.
• Go bhfuil fál timpeall gach gairdín agus áit shúgartha agus go bhfuil daingniú ar na doirse agus ar na geataí ionas nach mbeidh leanaí ag fánach.
• Go bhfuil fál timpeall linnte, poill agus guaiseacha eile chun sábháilteacht na leanaí a chinntiú.

Bia agus deoch

Ní mór do sheirbhís réamhscoile cinntiú go bhfuil dóthain bia atá oiriúnach, cothaitheach éagsúil ar fáil le haghaidh leanbh réamhscoile atá ag freastal ar an tseirbhís agus go bhfuil dóthain áiseanna atá oiriúnach chun bia a stóráil, a ullmhú, a bhruith agus a dháileadh, agus dóthain uirlisí oiriúnacha ite, áiseanna oiriúnacha chun lámha a ghlanadh agus soithí a ní agus le haghaidh steirilithe.

Tá treoirlínte ag an Roinn Sláinte a thugann comhairle gur chóir nach lú na 2 bhéilí agus 2 sneaic a thairiscint do leanaí atá faoi chúram os cionn 5 uair a chloig in aghaidh an lae (cúram lánlae), ceann amháin de na béilí le bheith te.

Árachas

Duine atá ag seoladh seirbhís réamhscoile, cinnteoidh sé/sí go bhfuil dóthain árachais ar na leanaí in aghaidh díobhála agus iad ag freastal ar an tseirbhís.