Clár ERASMUS

Rialacha

Páirteachas institiúidí oideachais

Tá institiúidí oideachais tríú leibhéal uile na dtíortha comhpháirteacha incháilithe chun páirt a ghlacadh sa chlár Erasmus. Ní mór dóibh cloí leis na prionsabail a leagtar amach iad sa Chairt Ollscoile Erasmus. Tá conarthaí ag na hinstitiúidí oideachais a ghlacann páirt sa chlár leis an gCoimisiún Eorpach. Míníonn na conarthaí seo mar a ghlacann an institiúid páirt sa scéim. Féadfaidh na hinstitiúidí deontais a fháil le haghaidh réimse gníomhaíochtaí, eagrú ar shoghluaiseacht mac léinn agus fhoireann mhúinteoireacht ollscoile san áireamh.

Córas Eorpach Aistriú Creidiúna

Is córas é an Córas Eorpach Aistriú Creidiúna (ECTS) a dhéanann creidiúint acadúil a dháileadh agus a aistriú, agus a éascaíonn aitheantas acadúil ar thréimhsí staidéir idir bunaíochtaí comhpháirteacha. Tá institiúidí ardoideachais i dteideal iarratas a dhéanamh ar thacaíocht chun ECTS a thabhairt isteach i ranna nó dámha den chéad uair.

Rannpháirtíocht mac léinn agus múinteoirí

Tugann Erasmus deis do mhic léinn staidéar a dhéanamh in ollscoil nó in institiúid i dtír rannpháirteach eile ar feadh tréimhse idir 3 agus 12 mhí. Tugann an institiúid bhaile aitheantas don tréimhse staidéir seo. Féadfar maoiniú a fháil ón Udarás um Ard-oideachas a chuideoidh le mic léinn agus múinteoirí a bhfuil suim acu i malartaithe Erasmus.

Caithfidh mic léinn ar mian leo leas a bhaint as an gclár a bheith ag freastal ar institiúid tríú leibhéal atá rannpháirteach sa scéim, agus is gá go mbeadh ar an laghad an chéad bhliain d'oideachas tríú leibhéal comhlíonta acu. (Is é an gnáthchleachtas go mbíonn 2 bhliain ag an tríú leibhéal comhlíonta ag mic léinn Éireannacha). Ní mór go mairfeadh an staidéar a chomhlíontar i dtír rannpháirteach eile 3 mhí nó téarma acadúila ar an laghad, agus bliain amháin ar a mhéid. Ní mór do na hollscoileanna comhpháirteacha agus don mhac léinn clár staidéir a shocrú sula bhfágann an mac léinn.

Tá mic léinn Erasmus incháilithe chun deontas soghluaiseachta a fháil a chuideoidh leo páirt a ghlacadh sa scéim. Tá sé i gceist go gcuideoidh an deontas seo leis na costais taistil, agus an difríocht idir costas maireachtála na tíre dúchasaí agus na tíre ina bhfuil an mac léinn ag staidéar, a íoc. Féadfaidh an Coimisiún Eorpach cuid de tháille teagaisc teanga an mhic léinn a mhaoiniú, sula n-imíonn sé/sí chun na hinstitiúide eachtraí nó sula sroicheann sé/ sí an institiúid eachtrach. Tá maoiniú breise ar fáil do mhic léinn a bhfuil míchumais orthu, nó riachtanais fíor-speisialta acu, atá aitheanta go hoifigiúil.

Baineann an maoiniú seo le rannpháirtíocht sa scéim agus ní dhéantar tástáil acmainne dó, ná níl sé bainteach le deontais do mhic léinn i gcoitinne.

Fanann mic léinn mar mhic léinn oifigiúla de chuid na hinstitiúide baile. Tá orthu na táillí agus muirir chéanna a íoc agus a d'íocfaidís dá mbeidís fós ag staidéar sa bhaile. I gcás mac léinn a fhaigheann deontais do mhic léinn, leanfaidh siad orthu á bhfáil fad atá siad ag staidéar sa tír eile.

Tá deontais soghluaiseachta ar fáil do mhúinteoirí ar mian leo obair in institiúid chomhpháirteach chomh maith. Clúdaíonn na deontais seo costais na múinteoirí atá ag múineadh cúrsaí mar chuid de churaclam oifigiúil institiúid oideachais Eorpaí eile. Glactar leis go ndéanfaidh institiúidí ranníocaíochtaí éigin ar son a bhfoirne, ar chostais na gclár malartaithe seo. Tá maoiniú breise ar fáil do mhic léinn a bhfuil míchumais orthu, nó riachtanais fíor-speisialta acu, atá aitheanta go hoifigiúil. Ba chóir do mhúinteoirí a n-iarratais a dhéanamh trína n-ollscoil féin agus teastas leighis a sholáthar in éineacht lena n-iarratais.

Féadfar tuilleadh eolais i dtaobh maoinithe a fháil ó d'institiúid oideachais féin.