Sochraidí

Eolas

Bíonn an-difríocht idir socruithe sochraidí faoi leith agus braitheann siad, i measc rudaí eile, ar cá bhfuil an tsochraid le bheith, cén cineál cónra atá i gceist agus an mbeidh carranna sochraide ar chíos agat nó nach mbeidh.

D'fhéadfadh sé go mbeadh na dualgais seo ar stiúrthóir na sochraide:

• A bhfuil ag teastáil ón dteaghlach agus na rudaí a theastaigh ón té atá básaithe a phlé agus déanamh cinnte go mbreathnaítear i ndiaidh na mionrudaí ar fad agus go dtéann chuile rud mar is ceart.
• Cónra, cóiste, aibíd/taiséadach, limisín/iompar an teaghlaigh a chur ar fáil agus corp a bhalsú.
• Socrú agus íocaíocht ar son uaighe a cheannach, oscailt na huaighe/táillí créamtha, ofráileacha eaglaise, fógraí nuachtáin, bláthanna, ceol ag an searmánas agus béile a chur ar fáil.

Cumann na hÉireann de Stiúrthóirí Sochraide é an cumann ceirde do thionscal na n-adhlacóirí. Ní mór do na baill an Cód Cleachtaidh atá ag an gcumann a chur i bhfeidhm, a cheanglaíonn baill:

• Táillí stiúrthóir na sochraide a phlé agus a aontú leis na gaolta is giorra, ach amháin sa chás go n-iarrtar ar an adhlacóir gan é seo a dhéanamh
• Proifisiúnacht agus caighdeán seirbhísí a chinntiú sna socruithe agus i stiúradh na sochraide
• A bheith oscailte maidir leis an gcostas agus an táille a íoc
• Fógraíocht chruinn a dhéanamh maidir le praghasanna agus seirbhísí
• A bheith lochailleach, rúndaíocht a chinntiú agus a bheith sásta an custaiméir a fhágáil ag stiúradh na gcinnithe a dhéantar.

Corp a Bhalsú

Foladh a stopann an corp ag meath a chur isteach sa chorp in áit na ngnáthsilteacha uilig atá i gceist le corp a bhalsú. Ní gá é a dhéanamh, go háirid má théann an corp chuig an seipéal agus má bhíonn an sochraid ann go luath tar éis báis. Thart ar leath na gcorp ar fad sa tír a bhalsaítear.

Adhlacadh

Tá difríochtaí móra idir praghasanna uaigheanna agus sochraidí, agus mar sin más féidir is fiú praghasanna a fhiosrú in áiteanna eagsúla.

Adhlacadh ag baile

Is féidir duine a adhlacadh taobh amuigh de reilig oifigiúil, ar thalamh an teaghlaigh mar shampla. Ach, tá sé thar a bheith deacair é seo a dhéanamh. Tá sé an-chríonna é seo ar fad a shocrú i bhfad roimh an mbás, ní gá go mbeidh sé indéanta na socruithe dleathúla a chur i gcrích taobh istigh de achar gairid. Tiocfaidh Cigire Sláinte Timpeallachta ó rannóg sláinte an údaráis áitiúil le cinntiú nach mbeidh an áit adhlacaidh ag cur isteach ar fhoinsí uisce nó bealaí draenála agus go bhfuil doimhneacht de ocht dtroigh ann. Ba cheart scríobh chuig an údarás áitiúil cuí (Comhairle Condae nó Bardás) le sonraí a fháil.

Créamadh

Is féidir corp an mhairbh a chréamadh agus an luaith a chur in uaigh an teaghlaigh, na háiseanna ag an gcréamatóir a úsáid, nó iad a chur de láimh go príobháideach.

Costais Sochraide

Bíonn an-difríocht idir costais sochraide ag brath ar céard go díreach a bhíonn ag teastáil uait agus ag brath ar sa chathair nó faoin tuath atá an tsochraid (go ginearálta cosnaíonn sochraid faoin tuath níos lú). Má tá deacrachtaí agat le n-íoc as sochraid labhair leis an Oifigeach Leasa Pobail agus d'fhéadfadh sé go mbeadh sé/sí in ann cabhrú leat.