Seirbhísí teileafóin líne seasta in Éirinn

Rialacha

Ag roghnú nó ag athrú soláthraithe seirbhíse

Tá an caidreamh idir tomhaltóir agus soláthraí seirbhíse teileafóin bunaithe ar chonradh tomhaltóra. Nuair a dhéantar imscrúdú ar na comhlachtaí difriúla, is rud tábhachtach é comparáid a dhéanamh idir na téarmaí agus na coinníollacha difriúla a bhaineann le conarthaí difriúla, mar shampla, an t-airgead go gcaithfear a íoc do chíos líne nó do ghlaonna. Roimh conradh a shíniú le comhlacht nua, ba chóir dhuit imscrúdú a dhéanamh ar théarmaí agus ar choinníollacha an chonartha atá agat faoi láthair chun iad a chur i gcomparáid le téarmaí agus coinníollacha an chonartha nua.

Ba cheart duit athbhreithniú a dhéanamh ar cheann nó dhó de bhur mbillí teileafóin is déanaí, chomh maith le do phatrún glaoite a leagadh amach (is é sin ná na huimreacha a chuireann tú glaoch orthu go minic agus an t-am a chuireann tú glaoch ar na huimreacha seo). Ina dhiaidh sin, ba chóir duit faisnéis a lorg ó na comhlachtaí difriúla ar a dtáillí glaoite. Ba chóir duit ceist a chur ar gach oibritheoir, liosta clóite a sheoladh chugat chun a bheith in ann imscrúdú a dhéanamh ar tháillí agus comparáid a dhéanamh idir na táillí difriúla.

Is féidir leat na ceisteanna seo a leanas a úsáid freisin chun cinneadh a dhéanamh:

• An bhfuil íostáille nó táille tosaigh le híoc nuair a dhéantar glaoch teileafóin?
• Conas a dhéanann an comhlacht teileafóin táillí glaoite a leagadh amach – in aghaidh an soicind nó an nóiméid?
• An bhfuil táillí breise le híoc, mar shampla, táillí cónaisc?
• Cathain a thosaíonn agus a chríochnaíonn na rátaí lae, tráthnóna agus deireadh seachtaine?
• Cé mhéid ama a thógfaidh sé chun aistriú go dtí an t-seirbhís nua?
• An bhfuil ort conradh am-bhunaithe a shíniú?
• An bhfuil íosmhéid airgid le híoc in aghaidh na míosa?
• An bhfuil scéimeanna lascaine speisialta ar fáil?
• An bhfuil pionóis le híoc má chuireann tú deireadh le do chonradh?

Tá sé tábhachtach a thabhairt faoi deara freisin teagmháil a dhéanamh leis an oibritheoir atá agat faoi láthair roimh chonradh a shíniú le soláthraí seirbhíse nua, chun faisnéis a fháil ar fhógraí nó ar thréimhse phionóis chealúcháin.

De ghnáth, ní thógann sé ach cúpla seachtaine chun aistriú go soláthraí seirbhíse nua, ón am a chuirtear in iúl dodo sholáthraí seirbhíse nua go dteastaíonn uait a sheirbhísí a úsáid. Faoi rialacha nua an AE atá á dtabhairt isteach, tá soláthar déanta chun a chinntiú gur féidir le tomhaltóirí a n-uimhir bogadh ó sholáthraí seirbhíse go dtí ceann eile taobh istigh de lá oibre amháin.

Níl ort ach conradh a shíniú nó glaoch teileafóin a chur ar sholáthraí seirbhíse nua chun a chur in iúl dóibh gur mhaith leat a sheirbhísí a úsáid. Nuair a thugann tú cead ar an teileafón do sholáthraí seirbhíse é seo a dhéanamh, tugtar Fiorú Tríú Páirtí (nó TPV) ar seo. Mar chuid den phróiseas seo, bíonn ort roinnt cheisteanna a fhreagairt. Cláraítear an TPV agus féachtar air mar chonradh dleathach.

Déanfaidh do sholáthraí seirbhíse nua teagmháil le do shean-soláthraí seirbhíse chun é a chur in iúl dóibh gur mhaith leat deireadh a chur le do chonradh. Ina dhiaidh sin, gheobhaidh tú litir ó do shean-soláthraí seirbhíse a léireoidh go dtoilíonn tú aistriú go soláthraí seirbhíse nua. Níl ort freagra a sheoladh ar ais, ach amháin mura mian leat do sholáthraí seirbhíse a athrú.

Bíonn ar chomhlachtaí a sholáthraíonn seirbhísí teileafóin líne seasta do thomhaltóirí Éireannacha údarú a fháil ó ComReg.

Tréimhse shuaimhnithe

Is í tréimhse suaimhnithe ná an méid ama ina dtugtar cead do thomhaltóir cúlú óna c(h)onradh gan pionós a íoc. Nuair a ghlacann tú le soláthraí seirbhíse nua, bíonn tréimhse shuaimhnithe de seacht lá oibre agat chun cúlú ón chonradh, ón dáta a fhaigheann tú na téarmaí agus coinníollacha.

Margaíocht dhíreach agus soláthraithe seirbhíse teileafóin

Déanann soláthraithe seirbhíse teileafóin a seirbhísí a mhargú go minic. Mura mian leat glaonna margaíochta díreach a fháil ó chomhlachtaí, is féidir leat é seo a chur in iúl don Bhunachar Sonraí Eolaí Náisiúnta. Cliceáil anseo chun níos mó faisnéise a rochtain ar conas déileáil le glaonna teileafóin neamhcheadaithe.

Nuair a aistríonn tú go soláthraithe seirbhíse nua, níl cead ag do shean-soláthraithe seirbhíse teagmháil a dhéanamh leat ar feadh trí mhí ar a laghad.

Cíos trealaimh

Déanann a lán tomhaltóirí, teileafóin a fháil ar cíos íoctha óna soláthraithe seirbhíse, ach tá níos mó daoine ag ceannach a dteileafón féin i gcónaí. Má cheannaíonn tú do theileafóin féin, ba cheart duit teagmháil a dhéanamh le do sholáthraithe seirbhíse, a thug do shean teileafón duit ar cíos, chun a fháil amach cad ba cheart duit a dhéanamh chun an sean teileafón a sheoladh ar ais chucu, chun an táille a íocann tú don seirbhís seo a scriosadh ó do bhille.

Ní cheart a bheith ort trealamh nua a fháil nuair a aistríonn tú go soláthraí seirbhíse nua.

Billeáil aonair

Is féidir le tomhaltóirí billeáil aonair a roghnú chun bille amháin a fháil óna soláthraí seirbhíse tosaíochta, a chuireann san áireamh ceanglais seirbhíse teileafóin iomlána an tomhaltóra – lena n-airítear glaonna agus cíos líne. Ní mór duit ceist a chur ar do sholáthraí seirbhíse chun a fháil amach an féidir leat bille aonair a fháil.

Beidh ort teagmháil a dhéanamh le d’oibritheoir nua chun ceisteanna a chur air maidir le seirbhísí coimhdeachta, mar shampla glao ag feitheamh, glao fregartha agus araile. De ghnáth, is féidir leat na seirbhísí céanna idirlín agus leathanbhanda a úsáid nuair a roghnaíonn tú soláthraí seirbhíse teileafóin nua Is féidir leat breis faisnéise a fháil ó do sholáthraí seirbhíse nua.

Is féidir leat bileog ComReg Cur Síos ar Bhilleáil Aonair (pdf) a rochtain anseo.

Réamhroghnú iompróra

De réir Réamhroghnaithe Iompróra (CPS), is féidir leat oibritheoir áirithe a roghnú roimh ré, chun glaonna áirithe a iompair, mar shampla glaonna idirnáisiúnta. Níl ort réimír a dhiailiú nó aon rud eile a dhéanamh roimh ghlaoch a chur ar an uimhir. Faigheann tú dhá bhille – ceann amháin ó d’oibritheoir CPS do tháillí glaonna agus an dara cheann ó do sholáthraí seirbhíse cíosa líne.