Deileáil le margaíocht díreach nár iarradh
Eolas
Tá go leor daoine ann nár miste leo litreacha gan iarraidh a bhaineann le fógraíocht agus margaíocht a fháil sa phost. Ach, tá daoine eile ann, a chreideann gur mór an crá croí é an "dramhphost". Tá an tAcht um Chosaint Sonraí, 1988 ann le cinntiú gur féidir le daoine nach mian leo ábhar margaíochta dírí a fháil - bíodh sé tríd an bpost, ar an teileafón nó ar an Idirlíon - a bpríobháideachas a chosaint.
Príomhsheirbhís Phoist
Tá "Príomhsheirbhís Phoist" dhá rith ag Cumann na hÉireann um Mhargaíocht Díreach (IDMA), eagraíocht ionadaíochta do lucht margaíochta dírí in Éirinn, i gcomhair le An Post. Má chuireann tú do chuid sonraí teagmhála chuig An Post, bainfear iad de na bancanna sonraí atá ag na príomhchomhlachtaí margaíochta dírí in Éirinn agus ba cheart go mbeadh laghdú mór ar an méid poist gan iarraidh a fhaigheann tú. Is féidir leat a líonadh isteach ar líne ar an tSeirbhís Tosaíochta Mail foirm iarratais nó é a íoslódáil ón suíomh idirlín IDMA.
Tá Cód Iompair um Chosaint Sonraí, ag an IDMA a leagann síos na rialacha um chosaint sonraí nach mór do bhaill an IDMA cloí leo.
Rialacha
Do cheart d’ainm a bhaint ó bhanc sonraí um mhargaíocht díreach
Faoi mhír 2(7) den Acht um Chosaint Sonraí, tá sé de cheart agat do chuid sonraí a bhaint ó bhanc sonraí um mhargaíocht díreach. Ar mhaithe len é seo a dhéanamh ba cheart duit scríobh chuig an eagraíocht a bhfuil an banc sonraí aici agus iarraidh uirthi do chuid sonraí a bhaint. Ní mór don eagraíocht d'iarratas a shásamh agus scríobh ar ais chugat taobh istigh de 40 lá, ag insint duit go bhfuil déanta de réir do thola.
Má bhíonn do chuid sonraí coinnithe ag an eagraíocht um mhargaíocht díreach ar mhaithe le margaíocht díreach agus ar chúis eile freisin, ní mór di stop a chur le do chuid sonraí a úsáid ar mhaithe le margaíocht díreach. Ach, sa chás seo, is féidir leis an eagraíocht do chuid sonraí a choinneáil agus a úsáid don chúis eile, chomh fada nach bhfuil sí ag sárú an dlí a bhaineann le cosaint sonraí. Ní mór don eagraíocht a chur in iúl duit cén fáth eile atá aici le do chuid sonraí a choinneáil.
Where To Apply
Cumann na hÉireann um Mhargaíocht Díreach
8 Sráid Mhic Liam Uachtarach
Baile Átha Cliath 2
Ireland
Teil:+353 (0)1 661 0470
Láithreán Gréasáin: http://www.idma.ie
R-phost: info@idma.ie
An Coimisinéir Cosanta Sonraí
Teach na Canála
Bóthar an Stáisiúin
Cúil an tSúdaire
Laois
Éire
Uaireanta Oscailte:09:15-17:30
Teil:+353 57 868 4800
Lóghlao:1890 252231
Facs:+353 57 868 4757
Láithreán Gréasáin: http://www.dataprotection.ie
R-phost: info@dataprotection.ie
Teanga
Ábhar Gaolmhar
- Deileáil le ríomh-phost déistineach nár iarradh
Tá comhairle ar fáil sa cháipéis seo conas deileáil le ríomh-phost déistineach nár iarradh. - Ag déileáil le glaonna díolacháin teileafóin gan iarraidh
‘Glaonna fuara' a thugtar ar ghlaonna díolacháin gan iarraidh a thagann ó chomhlachtaí nach ndearna tú gnó leo cheana. Anois is féidir leat tú féin a chlárú ar Bhunachar Sonraí an Eolaire Náisiúnta mar dhuine nach bhfuil ag iarraidh glaonna fuara a fháil. Liosta is ea an Bunachar Sonraí an Eolaire Náisiúnta de na huimhreacha teileafóin ar fad i ngach leabhar teileafóin poiblí nó atá le fáil ó fhiosrúcháin faoin eolaire. - An Coimisinéir Cosanta Sonraí
Ról an Choimisinéara Cosanta Sonraí cearta príobháideachais dhaoine in Éirinn a chosaint faoi na hAchtanna um Chosaint Sonraí.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.