Gearán a dhéanamh maidir le clár teilifíse nó raidió in Éirinn

Eolas

Údarás neamhspléach reachtúil é an tÚdarás Chraolacháin na hÉireann(UCE) a bhreathnaíonn ar ghearáin ón bpobal maidir le ábhar a chraoladh in Éirinn agus a dhéanann breithiúnas ar na gearáin sin. Tá cláracha raidió agus teilifíse i gceist chomh maith le fógraí a chraoltar ar gach stáisiún raidió agus teilifíse poiblí, trachtála agus pobail sa Stát. Tugann an UCE breithiúnas ar ábhar craolta maidir le:

• Neamhchlaontacht sa nuacht agus cúrsaí reatha,
• Oiriúnacht agus cuibheas,
• Dlí agus ord
• Príobháideachas an duine,
• Clúmhilleadh,
• Cóid chaighdeáin agus chleachtais nach mór cloí leo maidir le fógraíocht, siopadóireacht teilifíse, urraíocht agus cur chun cinn tráchtála,
• Ábhar foilsithe a bhaineann le RTÉ agus coisc Aire.

Ainmníonn an Rialtas baill an UCE agus bíonn siad in oifig ar feadh tréimhse cúig bliana.

Neamhchlaontacht

Ní mór do chraoltóirí in Éirinn déanamh cinnte go bhfuil an nuacht a chraolann siad tuairscithe agus curtha i láthair ar bhealach oibiachtúil agus neamhchlaonta, mar shampla go gcuireann siad an nuacht i láthair gan a dtuairimí féin a nochtadh. Is féidir dhá chraolachán nó níos mó a chur san áireamh mar iomlán má chraoltar iad taobh istigh de thréimhse ama réasúnta dá chéile.

Oiriúnacht agus cuibheas

Ní mór do gach craoltóir a dhéanamh cinnte nach gcraolann sé aon rud go bhféadfaí go réasúnta a rá nach raibh sé oiriúnach nó go raibh sé geanasach, go háirid maidir leis na nithe seo a leanas:

• Foréigean agus iompar gnéasach a léiriú nó
• Aon rud a d'fhéadfadh coiriúlacht a chur chun cinn nó a spreagadh nó go mbeadh baol ann an bonn a bhaint as údarás an Stáit.

Tá cóid maidir le oiriúnacht agus cuibheas dhá ullumhú faoi láthair ag an UCE.

Dlí agus ord

Ní mór do gach craoltóir a dhéanamh cinnte nach gcraolann sé aon rud go bhféadfaí go réasúnta a rá go spreagfadh sé nó go gcuirfeadh sé chun cinn an chóiriúlacht nó go mbeadh baol ann an bonn a bhaint as údarás an Stáit.

Príobháideachas an duine

Tá sé mar dhualgas ar an gcraoltóir a dhéanamh cinnte nach gcuirtear isteach go míréasúnta ar phríobháideachas an duine i gcláracha a chraolann sé agus sna bealaí a thógann sé leis na cláracha sin a dhéanamh.

Clúmhilleadh

Breathnóidh an UCE ar ghearáin nuair a dhéantar líomhaintí go raibh eolas nó fírící nach raibh cruinn i ráitis a craoladh agus gur dhein na ráitis sin ionsaí ar dínit, clú nó onóir an duine lena bhaineadar.

Cóid a bhaineann le fógraíocht, siopadóireacht teilifíse, urraíocht agus cur chun cinn tráchtála

Ní mór do gach craoltóir oibriú taobh istigh de Chód Caighdeáin, Cleachtais agus Coisc maidir le Fógraíocht, Urraíocht agus bealaí eile Cur Chun Cinn Tráchtála i Seirbhísí Craolacháin.

Ábhar foilsithe

Is féidir le baill an phobail gearáin a dhéanamh má chreideann siad go raibh san áireamh ábhar go bhféadfaí go réasúnta a rá go spreagfadh sé nó go gcuirfeadh sé chun cinn an chóiriúlacht nó go mbeadh baol ann an bonn a bhaint as údarás an Stáit in aon ábhar faoi leith a bhain leis an nuacht nó le cúrsaí reatha (ábhair chonspóideacha don phobal nó atá faoi dhíospóireacht phoiblí) a d'fhoilsigh, a dháil nó a dhíol Údarás RTÉ.

Coisc Aire

Má chreideann an tAire Cumarsáide, Fuinnimh agus Acmhainní Nádúrtha go bhféadfadh ábhar nó aicme ábhair a bhí le craoladh an chóiriúlacht a chur chun cinn nó a spreagadh nó go mbeadh baol ann an bonn a bhaint as údarás an Stáit, d'fhéadfadh sé/sí treoir a thabhairt do na craoltóirí gan an t-ábhar nó aon ábhar d'aicme faoi leith a chraoladh. Ní mór do chraoltóirí cloí leis an ordú seo.