Cinsireacht scannán in Éirinn

Rialacha

Cosc a chur ar scannán

Is féidir a rá nach bhfuil scannán feiliúnach go mbeadh daoine ag breathnú air (i bhfocail eile, cosc curtha air) má bhíonn an cinsire den tuairim go bhfuil an scannán mígheanasach, gáirsiúil nó diamhaslach nó go bhféadfadh sé a bheith in aghaidh nó in ann bonn a bhaint ón moráltacht phoiblí. Is féidir leis an gCinsire freisin rialú nach mór píosaí faoi leith a bhaint as scannán sular féidir teastas a thabhairt dó. Ní mór don Chinsire freisin breathnú ar an ábhar bolscaireachta a bhaineann leis an scannán agus é a cheadú. Ní mór cóip den teastas a eisítear a thaispeáint ar feadh 10 soicind ar a laghad díreach roimh tús an scannáin.

Cinsireacht agus clubanna príobháideacha scannáin

Níl aon dualgas ar chlubanna príobháideacha scannáin (mar shampla Ionad Scannáin na hÉireann) scannáin a thaispeáintear do bhaill an chlub amháin a chur chuig an gCinsire le rangú.

Rangú scannáin in úsáid faoi láthair

Déantar scannáin in Éirinn a rangú mórán ar an mbunús céanna le tíortha eile. Le deireanas tháinig athrú ar theastais rangaithe scannán, mar shampla tá teastais 12PG agus 15PG ar fáil anois, a thugann deis do thuismitheoirí nó caomhnóirí discréid a bheith iontu maidir leis an gcinéal scannán a bhfuil cead ag leanaí breathnú orthu. Déantar sleachta bolscaireachta ó scannáin a rangú freisin agus ní féidir iad a thaispeáint ach amháin nuair atá scannán den rangú céanna dhá thaispeáint.

Seo a leanas cur síos ar an gcóras reatha rangaithe scannán in Éirinn:

• Ginearálta: Tá an scannán feiliúnach do gach duine, leanaí óga san áireamh
• Treoir Thuismitheora: Moltar go mbeadh treoir thuismitheora tugtha do leanaí faoi 12 bliain d'aois. D'fhéadfadh téamaí nó coinchéapa daoine fásta a bheith sa scannán gur mhaith le tuismitheoirí a bheith ar an eolas futhu. Más téama rómánsúil atá i gceist, d'fhéadfadh sé go mbeadh radharcanna gnéasacha nó nochtacht ar feadh tamaill fíor ghairid i gceist. D'fhéadfadh foréigean nó drochtheanga éadrom a bheith ann freisin.
• 12PG: Cé, i dtuairim an Chinsire, go bhfuil an scannán feiliúnach do dhaoine atá ós cionn 12 bliain d'aois amháin, is féidir duine atá faoi 12 a scaoileadh isteach le breathnú air má tá tuismitheoir nó caomhnóir in éineacht leis/léi.
• 15PG: Cé, i dtuairim an Chinsire, go bhfuil an scannán feiliúnach do dhaoine atá ós cionn 15 bliain d'aois amháin, is féidir duine atá faoi 15 a scaoileadh isteach le breathnú air má tá tuismitheoir nó caomhnóir in éineacht leis/léi.
• Ós cionn 18: Daoine atá ós cionn 18 amháin a mbeidh cead acu breathnú ar an scannán seo. Beidh téamaí daoine fásta i gceist agus d'fhéadfadh sé go mbeadh mionradharcanna gnéasacha nó foréigneacha i gceist. D'fhéadfadh freisin fíor drochtheanga a bheith in úsáid, eascainí móra gnéasacha san áireamh.

Bord Achomhairc um Chinsireacht Scannán

Is féidir le duine achomharc a lorg ar chinneadh a rinne an Cinsire Scannáin chuig an mBord Achomhairc um Chinsireacht Scannán. Tá naonúr ball ag an mBord Achomhairc um Chinsireacht Scannán agus is é/í an tAire Dlí agus Cirt agus Comhionannais a cheapann iad. Is féidir le duine achomharc a lorg má dhiúltaítear scannán a dheimhniú nó le rangú an scannáin a athrú. Ní féidir dul thar cinneadh an Bhoird Achomhairc ach is féidir an scannán a chur ar ais faoi bhráid an Chinsire tar éis seacht mbliana.

Coireanna agus Pionóis faoi na hAchtanna um Chinsearacht Scannán

Tá roinnt coireanna faoi na hAchtanna um Chinsireacht Scannán, san áireamh tá scannán a thaispeáint gan teastas, teip cloí le téarmaí an teastais teoranta agus ábhar bolscaireachta a thaispeáint nach bhfuil ceadaithe ag an gCinsire Scannán.

Tá athbhreithniú dhá dhéanamh faoi láthair ar na fíneálacha a bhaineann le sárú na nAchtanna.

Taifid coinnithe in Oifig an Chinsire Scannán

Tá cláir éagsúla, nach bhfuil ar fad coinnithe ar ríomhaire, coinnithe in Oifig an Chinsire Scannán. Tá buneolas ar fáil ar Chlár na Scannán maidir le gach scannán agus sliocht bolscaireachta a scrúdaíodh, an teastas a bronnadh san áireamh. Tá eolas maidir le píosaí a gearradh amach as scannáin faoi leith coinnithe ar Chlár na nGearrthacha agus sonraí ar Chlár na gColfairtí maidir le scannáin ar cuireadh cosc orthu. Tá sonraí maidir le cinneadh a tógadh ar achomhairc ar Chlár Bhord na nAchomharc chomh maith le aon chinneadh a thóg Bord Achomhairc um Chinsearacht Scannán. Tá Clár Cuntas agus Íocaíochtaí ann freisin.

Is féidir an t-eolas thuasluaite a scrúdú in Oifig an Chinsire Scannán. Faoi láthair, níl aon táille le n-íoc as an tseirbhís seo.