Scaradh Dleathúil
Eolas
Nuair nach féidir le lanúin aontú ar théarmaí le cónaí óna chéile is féidir le ceachtar den bheirt iarratas a chur ós comhair na Cúirte Ordú ar Scaradh Dleathúil a fháil. Ní mór don Chúirt a bheith sásta:
- Go bhfuil fáth leis an iarratas seo.
- Go bhfuil comhairle faighte ag an lanúin maidir le seirbhísí comhairleoireachta agus idirghabhála
- Go bhfuil soláthar cuí déanta d'aon chleithiúnaigh
- Má tá an Chúirt sásta cuirfidh sí Ordú ar Scaradh Dleathúil ar fáil. Deimhníonn an tOrdú seo nach bhfuil aon dulagas a thuilleadh ar an lanúin cónaí in éineacht mar lanúin phósta. D'fhéadfadh sé go mbeadh orduithe eile ag an gCúirt maidir le coiméad na bpáistí agus teacht ag na tuismitheoirí orthu, íocaíochtaí cothabhála agus cnapshuimeanna, aistriú maoine, deireadh a chur le cearta oidhreachta & rl.
Déantar iarratas ar Scaradh Dleathúil chuig an gCúirt Chuarda nó chuig an ArdChúirt. Bíonn na héisteachtaí ar fad príobháideach agus ní féidir le baill den phobal teacht isteach sa seomra Cúirte, bíonn sé seo amhlaidh i gconaí i gcásanna a bhaineann le dlí an teaghlaigh.
Rialacha
Is féidir iarratas ar Scaradh Dleathúil a bhunú ar aon cheann den sé chúis seo a leanas:
- Gur Adhaltrach é/í duine den bheirt
- Go bhfuil iompar duine den beirt amhlaidh agus go mbeadh sé thar cuimse a bheith ag súl go mbeadh an céile eile sásta maireachtáil leis/léi a thuilleadh
- Go bhfuil duine amháin tréigthe ag an duine eile ar feadh bliana ar a laghad roimh an iarratas a dhéanamh
- Go bhfuil an lanúin ina gcónaí óna chéile ar feadh bliana ar a laghad roimh an iarratas a dhéanamh agus go bhfuil an bheirt acu sásta go mbeadh an tOrdú seo curtha i gcrích
- Go bhfuil an lanúin ina gcónaí óna chéile ar feadh trí bliana ar a laghad roimh an iarratas a dhéanamh (is cuma sa chás seo muna bhfuil an bheirt sásta go mbeadh an tOrdú seo curtha i gcrích)
- Go bhfuil an Chúirt sásta nach raibh aon ghnáthchaidreamh pósta idir an bheirt ar feadh bliana ar a laghad roimh an iarratas ar Scaradh Dleathúil a dhéanamh.
Go hiondúil déantar Scaradh Dleathúil a cheadú ar an gcúis deireanach seo, agus mar sin níl aon lucht dhá chur ar cheachtar den bheirt.
Conas Iarratas a dhéanamh
Má theastaíonn dlíodóir príobháideach uait déan teagmháil le Cumann Dlí na hÉireann, a chuirfidh liosta ar fáil duit de dhlíodóirí príobháideacha ar fud na tíre a bhíonn ag plé le dlí an teaghlaigh.
Is féidir fáil amach an bhfuil tú i dteideal Cúnamh Dlí saor in aisce má dhéanann tú teagmháil leis an mBord Cúnamh Dlí a chuirfidh liosta de na hionaid dlí ar fud na tíre chugat agus ansin is féidir teagmháil a dhéanamh leis an ionad i do cheantar.
Teanga
Ábhar Gaolmhar
- Colscaradh
Cur síos ar foraithne colscaradh agus eile . - Foraitheanta díscaoileadh
Tugann foraithne díscaoileadh cead don dá pháirtí i bpáirtnéireacht shibhialta pósadh nó dul isteach i bpáirtnéireacht shibhialta nua. Caithfear conníollacha speisialta a chomhlíonadh, áfach, sular féidir le cúirt díscaoileadh a bhronnadh. - Torthaí ar Scaradh nó Colscaradh
Cur síos gairid ar na torthaí a bhíonn ag scaradh agus colscaradh
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.