Gnéithe a thugann an cúirt san áireamh i gcásanna scaradh/ colscaradh.

Eolas

Le Foraithne Scartha Dhlíthúil nó Colscartha a cheadú, tá cumhacht ag an gcúirt réimse leathan ordaithe cúntacha a dhéanamh. Is dóibh seo a leanas a bhaineann na gnáth ordaithe cúirte:

• Cúram agus teacht ar na bpáistí
• Íocaíochtaí cothaithe agus cnapshuimeanna
• Úinéireacht ar theach an teaghlaigh
• Cónaí i dteach an teaghlaigh
• Úinéireacht ar mhaoin agus ar shócmhainní ar nós scaireanna
• Cearta pinsin
• Cearta oidreachta.

Níl aon chaighdeán nó gnáth mhéid d'íocaíochtaí cothaithe socraithe agus faoi mar nach bhfuil aon rud leagtha síos ó thaobh cásanna a dhéanfadh an chúirt ordú ar leith i dtaobh teach an teaghlaigh. Nuair a thugtar san áireamh cad iad na horduithe a dhéanfar i ngach uile cás ar leith, scrúdóidh an chúirt cúrsaí iomlán an teaghlaigh agus díreofar isteach go háirithe orthu seo a leanas:

• Ioncam, cumas saothrú agus sócmhainní an am i láthair agus faoi mar a bheidh amach anseo ag gach páirtí.
• Riachtanaisí agus dualgaisí airgeadais an am i láthair agus faoi mar a bheidh amach anseo atá ag gach páirtí.
• Caighdeán maireachtála an teaghlaigh roimh chliseadh an phósta- tabhairfeadh an chúirt é seo san áireamh, ach go fírinneach glacfar leis gurb amhlaigh a thiteann caighdeán maireachtála na páirtithe i bhformhór na cásanna de bharr iad scaradh óna chéile.
• Aois na bpáirtithe, an fhad a bhíodar pósta agus an fhad a mhair siad le chéile.
• Riachtanaisí cóiríochta na páirtithe.
• An t-ionchur a bhí, agus a d'fhéadhfadh a bheith,ag an mbeirt lánúin ar leas an teaghlaigh - san áireamh tá aon chabhair a tugadh a mhéadaigh ioncam agus achmhainní airgeadais an pháirtí eile.
• An méid tionchar a bhí ag an bpósadh ar chumas saothrú na bpáirtithe.
• Iompar na bpáirtithe.
• Éifeacht aon bhuntáiste a chaill ceachtar páirtí de bharr Scaradh Dhleathúil nó Colscaradh.
• Cearta aon duine eile a bhí tionchar ag an gcolscaradh air/uirthi.