Cearta maoine agus cliseadh ar ghaol eisphósta

Eolas

Má scarann lánúin neamhphósta óna chéile is leis an duine a bhfuil an teideal dlíthiúil acu ar an teach/na sócmhainní, teach an teaghlaigh (agus sócmhainní teaghlaigh eile). Ciallaíonn sé seo i gcás teach an teaghlaigh, gur leis an duine a cheannaigh an teach ar dtús agus a bhfuil a ainm ar na gníomhais teidil an teach. Ta eolas ar comhúinéireacht agus lánúineacha neamhphósta anseo.

Má chliseann ar do ghaol áfach agus muna bhfuil do ainm ar ghníomhais teidil an tí, d'fhéadfadh sé go mbeadh tú fós in ann a thaispeáint go bhfuil roinnt cearta úinéireachta agat a bhaineann leis an teach. Tá na cearta seo bunaithe ar an mbunús go ndéarna tú ranníocaíocht maidir le praghas ceannaithe an tigh agus é ar intinn agat scar den úinéireacht a bheith agat.

Is féidir le ranníocaíochtaí in aghaidh praghas ceannaithe an tigh a bheith díreach no indíreach. Áiríonn ranníocaíocht dhíreach ranníocaíocht ar an gcéad íocaíocht síos ar an teach nó ranníocaíochtaí in aghaidh na gálaí morgáistí.

D'fhéadfadh ranníocaíocht indíreach áireamh a dhéanamh do íocaíochtaí i gcás roinnt de chostaisí laethúla eile teaghlaigh nó obair a rinneadh i ngnó an úinéara dlíthiúla agus nár íocadh. Tá glactha leis ag an gcúirt nach dtugann ranníocaíochtaí cosúil le bheith ag obair ins an teach ag tabhairt aire do leanaí agus airgead a chaitheamh nó obair a rinneadh ar fheabhsúcháin tí aon chearta úinéireachta duit maidir leis an teach.