Oidhreacht

Rialacha

Muna bhfuil tú pósta, ní féidir leat oidhreacht a fháil ó do pháirtí muna bhfágann sé/sí tiomnacht agat in uacht bhailí. Ach, tá céile i dteideal oidhreachta ar a dtugtar "sciar dleathúil" d'eastát a c(h)éile básaithe fiú:

• muna bhfuil aon uacht ann
• má tá an uacht bhailí
• má tá uacht bhailí ann, ach go bhfuil fiorbheagán nó tada fágtha ag an gcéile beo.

D'fhéadfadh sé go mbeadh tionchar indíreach ag stádas pósta an duine básaithe ar chearta oidhreacha a c(h)uid páistí.

Cearta Oidhreacha an Chéile

Braitheann sciar dleathúil an chéile bheo ar dhá rud:

• an bhfuil uacht bhailí ann
• an bhfuil aon pháistí ag an gcéile a bhásaigh

Tá tú i dteideal an eastáit ar fad:

• muna bhfuil aon uacht ann nó muna bhfuil an uacht bhailí, agus
• muna bhfuil aon pháistí ná garpháistí ag an gcéile básaithe.

Tá tú i dteideal dhá thrian den eastát:

• muna bhfuil aon uacht bhailí ann, agus
• má tá páistí nó garpháistí ag an gcéile básaithe.

Tá tú i dteideal leath an eastáit:

• má tá uacht bhailí ann, agus
• muna bhfuil páistí nó garpháistí ag an gcéile básaithe.

Tá tú i dteideal trian den eastát:

• má tá uacht bhailí ann, agus
• má tá páistí nó garpháistí ag an gcéile básaithe.

Más tú an céile atá beo ba cheart an ceart seo a chur in iúl duit agus ba cheart duit iarratas a dhéanamh ar an bpointe ar do sciar dleathúil. D'fhéadfadh sé go ndéanfadh tú éileamh ar theach an teaghlaigh a fháil mar do sciar dleathúil, fiú má fágadh an teach chuig duine eile san uacht. Más fiú níos mó ná do sciar dleathúil é teach an teaghlaigh go hiondúil beidh ort an fuílleach a íoc le heastát an té atá básaithe. Ach, i gcásanna crua is féidir iarratas a dhéanamh chuig an gcúirt go dtabharfaí an teach cónaithe duit tríd an bhfuílleach a íoc nó suim eile a cheapann an Chúirt a bheith réasunta.

Cearta Oidhreacha Páistí

Tá na cearta oidhreachta céanna óna thuismitheoirí ag páistí a rugadh taobh istigh agus taobh amuigh den phósadh. Ach, d'fhéadfadh sé go mbeadh an fhadhb bhreise ag páistí a rugadh taobh amuigh de phósadh atharthacht a chruthú má tá easaontas ann. D'fhéadfadh stádas pósta a dtuismitheora tionchar a bheith aige ar chearta oidhreacha páistí.

Tá páistí (faoi aois nó fásta) i dteideal eastát iomlán a dtuismitheora roinnte go cothrom eatarthu:

• muna bhfuil aon uacht ann nó muna bhfuil an uacht bhailí, agus
• muna bhfuil an tuismitheoir a bhásaigh pósta agus/nó má tá a c(h)éile básaithe cheana.

Níl na páistí i dteideal ach aon trian den eastát roinnte go cothrom eatarthu:

• muna bhfuil aon uacht ann nó muna bhfuil an uacht bhailí, agus
• má tá an tuismitheoir a bhásaigh pósta agus má tá a c(h)éile fós beo.