Bealaí dlíthiúla difriúla le bheith pósta
Eolas
Nuair atá tú cinnte go bhfuil cumas pósta agat, is féidir leat cinneadh a dhéanamh cén chaoi ar mhaith leat pósadh in Éirinn. D'fhéadfá pósadh tuata in Oifig Chláraithe a roghnú nó pósadh trí shearmanas reiligiúnach. Tá póstaí a tharlaíonn in Éirinn trí shearmanais reiligiúnacha sonraithe nó trí shearmanas sibhialta (is é sin, in Oifig Chláraithe nó áit cheadaithe eile) chomh bailí céanna agus ceangailteach de réir dlí na hÉireann.Má chinneann tú searmanas reiligiúnach nó sibhialta a bheith agat, beidh Foirm Chláraithe Pósta de dhíth ort, a aimseoidh tú trí na riachtanais fógartha a chomhlíonadh.
Sonraigh le do thoil go ndéileálann an rannóg seo le riachtanais dhlíthiúla amháin maidir le pósadh atá bailí de réir dlí. Má tá tú ag pósadh trí shearmanas reiligiúnach, ba chóir duit na riachtanais reiligiúnacha a phlé le ceiliúraí an phósta agat.
Baineann na nósanna imeachta a leanas le duine ar bith atá ag pósadh in Éirinn, cibé an saoránach na hÉireann nó náisiúnach coigríche atá i gceist.
Rialacha
Má tá tú ag pósadh in Éirinn trí shearmanas sibhialta in Oifig
Chláraithe nó áit cheadaithe eile, ba chóir duit teagmháil a dhéanamh le
Cláraitheoir
na bPóstaí Sibhialta don dúiche ina bhfuil sí beartaithe agat pósadh,
chun faisnéis a fháil maidir leis an gceist a bhogadh ar aghaidh. Má tá tú
ag pósadh trí shearmanas reiligiúnach, ba
chóir duit teagmháil a dhéanamh le húdaráis an tsainchreidimh lena
mbaineann, chun comhairle a fháil maidir leis an gceist a bhogadh ar aghaidh.
Ón 5 Samhain 2007, déanann An
tSeirbhís um Chlárú Sibhialta Clár
Sollúnóirí an Phósta a choinneáil, agus caithfidh duine ar bith atá
ina shollúnaí de phósadh sibhialta nó reiligiúnach a bheith ar an gClár.
Is féidir an Clár a scrúdú in Oifig Chláraithe ar bith.
Is féidir pósadh atá ceangailteach de réir dlí a cheiliúradh in Éirinn,
i searmanas sibhialta nó reiligiúnach, atá aitheanta de réir an dlí
sibhialta chomh maith mar chonradh sibhialta.
Tá an foras reiligiúnach a bhfuil an pósadh faoina gcoimirce freagrach as
feiliúnacht an ionaid a roghnaíonn tú do shearmanas reiligiúnach an
phósta. Déantar searmanais an phósta sibhialta a thionól in Oifig
Chláraithe nó, ón 5 Samhain 2007, in ionad ar bith, chomh fada agus a bhfuil
an t-ionad ceadaithe ag an gCláraitheoir. Caithfidh tú teagmháil a dhéanamh
leis an gCláraitheoir ionas gur féidir an t-ionad a scrúdú.
Do mhóideanna pósta a athnuachan
De réir dlí in Éirinn, ní féidir le duine pósadh in athuair má tá siad cheana féin pósta (fiú amháin más don duine céanna é). Ciallaíonn sé seo nach féidir leat i bhfírinne, do mhóideanna pósta a athnuachan i searmanas sibhialta in Éirinn.Cibé ar bith, tá traidisiún fada de "bheannachtaí Eaglaise" in Éirinn. Tarlaíonn sé seo nuair a bhíonn daoine Éireannacha pósta i searmanais shibhialta thar lear, agus bíonn siad pósta i searmanas reiligiúnach an chéad uair eile a fhilleann siad ar an mbaile. Uaireanta, faigheann daoine atá cónaí in Éirinn an pósadh beannaithe i searmanas reiligiúnach, mar chomóradh ar cheiliúradh nó imeacht speisialta.
Déan teagmháil le duine oiriúnach áitiúil den chléir, agus ba chóir go mbeidís ábalta tú a chur i dteagmháil le comhghleacaí in Éirinn. Má chónaíonn tú in Éirinn agus más maith leat do phósadh a bheith beannaithe, ba chóir duit teagmháil a dhéanamh le duine den chléir áitiúil.
Teanga
Ábhar Gaolmhar
- Searmanais an phósta sibhialta
Ag pósadh trí Shearmanas Sibhialta (in Oifig Chláraithe) in Éirinn, ina áirítear fógra a thabhairt don Chláraitheoir. - Searmanais an phósta reiligiúnacha
Nós imeachta chun pósadh faoi dheasghnátha agus searmanais roinnt reiligiún éagsúil in Éirinn. (Eolas ar phósadh le ceadúnas, tar éis na bannaí nó le Teastas an Chláraitheora i gceist ann freisin). - Clárú Pósta
Conas mar a chláraítear póstaí in Éirinn. Atreoraíonn sé an léitheoir chuig na rannóga a thugann níos mó sonraí faoin ábhar seo. Treoracha maidir le cén áit agus cén chaoi a bhfaighfeá Teastas Pósta agus costais.
Téigh i dteagmháil linn
Má tá ceist agat a bhaineann leis an ábhar seo, is féidir leat glao a chur ar an tSeirbhís Ghutháin um Fhaisnéis do Shaoránaigh 0761 07 4000 (Luan go hAoine idir 9rn agus 9in) no trí bhualadh isteach san Ionad Faisnéise do Shaoránaigh is gaire duit.