An Ghníomhaireacht um Thacaíocht Teaghlaigh

Eolas

Is Eagraíocht reachtúil í An Ghníomhaireacht um Thacaíocht Teaghlaigh a bhunaigh An Roinn Gnóthaí Sóisialta agus Teaghlaigh i mBealtaine 2003 faoin Acht fán nGníomhaireacht um Thacaíocht Teaghlaigh, 2001 Thug sé seo le chéile na cláir agus na seirbhísí ar mhaithe leis an teaghlach ar thionscain an Rialtas le blianta beaga anuas iad agus arbh aidhm dóibh:

• Tacaíocht do theaghlaigh a chur chun cinn go háitiúil
• Cliseadh póstaí a chosc
• Leanúnachas agus buanseasmhacht a chothú i saol an teaghlaigh
• Caidreamh tuismitheoireachta leanúnach a chothú ar mhaithe leis na páistí

I mí an Mheithimh 2011, ghlac an Roinn Leanaí agus Gnóthaí Óige an fhreagracht as an Ghníomhaireacht um Thacaíocht Teaghlaigh. I mí na Samhna 2011, d'aistrigh an tSeirbhís Idirghabhála Teaghlaigh, a bhí mar chuid na Gníomhaireachta um Thacaíocht Teaghlaigh, leis an mBord um Chúnamh Dlíthiúil.

Tá na cláir agus na seirbhísí as a bhfuil an ghníomhaireacht freagrach leagtha amach sa doiciméad seo.

Ionaid Acmhainní Teaghlaigh

Tugann An Ghníomhaireacht um Thacaíocht Teaghlaigh taca do bhreis agus 70 Ionad Acmhainní Teaghlaigh ar fud na tíre.

Soláthraíonn na hionaid seo réimse mhór tacaíochta do dhaoine éagsúla i measc an phobail trí bhíthin ghníomhaíochtaí mar:

• Faisnéis, comhairle agus tacaíocht do theaghlaigh
• Cúrsaí oideachais agus deiseanna traenála
• Áiseanna cúram leanaí agus clubanna do na huaireanta iarscoile
• Grúpaí ban agus tuismitheoirí aonair
• Cuidiú praiticiúil do ghrúpaí den chomhphobal

Chun leas a bhaint as clár nó as seirbhís atá arna chur ar fáil ag ceann de na hionaid seo, ba cheart dul i dteagmháil go díreach leis an ionad féin.

Deontais Chomhairleoireachta d’Eagraíochtaí Deonacha

Oibríonn An Ghníomhaireacht um Thacaíocht Teaghlaigh scéim deontas d’eagraíochtaí deonacha a chuireann na seirbhísí seo a leanas ar fáil:

• Comhairleoireacht pósta agus comhchaidrimh
• Cúrsaí ullmhaithe don phósadh
• Comhairleoireacht do pháistí a bhfuil a dtuismitheoirí ag scaradh
• Comhairleoireacht agus taca i gcás duine den teaghlach bás a fháil (méala)

Fógraítear an scéim deontais deireadh Mí Eanáir gach aon bhliain, agus is é deireadh Mí Feabhra an spriocdháta do na hiarratas.

Is féidir leat eolas a fháil maidir le seirbhísí comhairleoireachta i do cheantar ar láithreán gréasáin na Gníomhaireachta um Thacaíocht Teaghlaigh.

Seirbhís Taighde agus Faisnéise

Déanann an Ghníomhaireacht um Thacaíocht Teaghlaigh taighde ar réimsí staidéir a bhaineann leis na feidhmeannais a bhfuil cuntas orthu roimhe seo. Soláthraíonn sí faisnéis ar chúrsaí pósta agus comhchaidrimh, ar dhualgais na tuismitheoireachta agus an teaghlaigh, ar idirghabháil teaghlaigh agus ar ábhair eile a bhaineann leo seo.
Tá liosta fhoilseachán na gníomhaireachta le fáil anseo.