Máithreacht ionaid agus lánúineacha den ghnéas céanna

Eolas

Tarlaíonn máithreacht ionaid nuair a ghlacann bean le bheith inseamhnaithe go saorga nó le suth a aistriú go dtí a broinn chun go n-éireodh sí torrach. Iompraíonn sí an leanbh ansin go téarma agus é ar intinn aici caomhnadh an linbh a thabhairt don duine/lánúin lena ndearna sí an socrú.

Faoin reachtaíocht reatha, is í an mháthair ionaid máthair nádúrtha an linbh go dlíthiúil agus is í caomhnóir an linbh í. Ní cheadaítear uchtáil phríobháideach in Éirinn, agus tá cosc ar thuismitheoir linbh glacadh le íocaíocht ar leanbh a thabhairt suas le n-uchtú. Caithfear uchtú an linbh a dhéanamh tríd an mBord Uchtála agus níl aon ráthaíocht ann go dtabharfar an leanbh a rugadh do mháthair ionaid, ar láimh don athair.

Go teoiriciúil, is féidir le fear hómaighnéasach speirm a dheonadh chun go bhféadfadh an mháthair ionaid an leanbh a ghabhadh (chomh fada agus nár íoc sé í). D'fhéadfadh sé ansin iarratas a dhéanamh chun a leanbh a uchtú agus bhreithneodh an Bord Uchtála leas an linbh. Nuair a bhíonn sé ag déanamh an chinneadh, d'fhéadfadh sé go dtógfadh an Bord Uchtála san áireamh go bhfuil an fear ina chónaí le páirtnéir hómaighnéasach.