Pinsin, árachas saoil agus stádas pósta

Eolas

D'fhéadfadh sé go bhfuil cnapshuim, nó pinsean le n-íoc le duine faoi leith nuair a fhaigheann tú bás nó nuair a éiríonn tú as an obair de réir an pholasaí árachas saoil nó pinsin atá agat. Sa chás seo, is féidir an té ina bhfuil tú i do chónaí leis/léi mar fhear agus bean a ainmniú mar thairbhí. Ach, tá go leor polasaithe ann a leagann síos mar choinníoll gurb é/í do c(h)éile amháin a bheidh ina t(h)airbhí. Sa chás seo, ní bheidh do phairtí nach bhfuil pósta leat i dteideal tada.

Mar a chéile, d'fhéadfadh sé go mbeadh liúntas breise le fáil i do phinsean do chéile, ach ní gá go mbeadh i gcás duine a chónaíonn leat. Déan cinnte leis an gcomhlacht árachais nó le hiontaobhaithe an phinsin faoi na coinníollacha a bhaineann le do pholasaí féin. Muna bhfuil tú pósta, ba cheart duit fiosrú an féidir tada a athrú a thabharfadh cead do do pháirtí aon sochair a fháil nach mbeadh ag dul dó/dí gan na hathruithe sin a chur i gcrích.