Ag clárú páirtnéireacht shibhialta

Rialacha

Féadfar páirtnéireachtaí sibhialta a bheith cláraithe amháin. Níl aon ghá le searmanas páirtnéireacht shibhialta a bheith ann, neamhchosúil le pósadh, a bhfuil gá le searmanas pósta. Tá an rogha ag páirtnéirí sibhialta searmanas a bheith acu, agus má bhíonn, tá na ceanglais mar an gcéanna leo siúd a bhaineann le searmanais phósta shibhialta.

Ba cheart dul chuig an gCláraitheoir Sibhialta don limistéir ina bhfuil sé i gceist agat an pháirtnéireacht shibhialta a chlárú d’eolas leis an gcaoi le dul ar aghaidh. Níl aon cheangaltas cónaithe sa limistéir ina bhfuil tú ag iarraidh a bheith cláraithe.

Suíomh

Is féidir searmanas páirtnéireacht shibhialta a reáchtáil in oifig an Chláraitheoir Sibhialta nó suíomh éigin eile a cheadaíonn an Cláraitheoir. Caithfidh an Cláraitheoir a bheith ar fáil freisin chun an pháirtnéireacht shibhialta a chlárú.

Má tá tú ag iarraidh an searmanas a reáchtáil i suíomh seachas oifig an Chláraitheora ba cheart duit dul i dteagmháil leis an Oifig Chlárú Sibhialta don limistéir ina bhfuil an suíomh suite chun socrú a dhéanamh é a bheith ceadaithe. D’fhéadfaí go mbeadh cigireacht á déanamh ag an gCláraitheoir ar an suíomh i gceist leis seo.

Níl suíomhanna ar nós ollphubaill, áiteanna cónaithe príomhaideacha ná suíomhanna amuigh faoin aer inghlactha. Tá treoirlínte ar shuíomhanna ar fáil ar shuíomh idirlín an Chláraitheoir Ginearálta. Chun a chinntiú go bhfuil an suíomh ceadaithe in am do do shearmanas pháirtnéireacht shibhialta, ba cheart duit ceadú a shocrú i bhad roimh an am d’fógra a thabhairt don Chláraitheoir.

Beidh táille sa bhreis ar shearmanas pháirtnéireacht shibhialta a reáchtáiltear i suíomh seachas oifig an Chláraitheora.

Foirm Chláraithe Pháirtnéireacht Shibhialta

Má chomhlíonann tú na ceanglais fhógra 3 mhí agus nach bhfuil aon chol ort dul isteach i bpáirtnéireacht shibhialta, eiseoidh an Cláraitheoir Foirm Chláraithe Pháirtnéireacht Shibhialta (FCPS), ag tabhairt ceada duit do pháirtnéireacht shibhialta a chlárú. Ba cheart duit an FCPS a thabhairt don Chláraitheoir a bheidh ag clárú an pháirtnéireacht shibhialta roimh an searmanas pháirtnéireacht shibhialta. I gcleachtas, má bhíonn an Cláraitheoir a bheidh ag eisiú an FCSP ag clárú an pháirtnéireacht shibhialta, coinneoidh an Cláraitheoir an fhoirm.

Díreach i ndiaidh an tsearmanais, ba cheart don FSCP a bheith sínithe agat féin agus do pháirtnéir, an 2 fhianaise agus an Cláraitheoir. Cláróidh an Cláraitheoir an pháirtnéireacht shibhialta leis an eolas ar an FSCP a luaithe agus is féidir i ndiaidh an tsearmanais.

Clárú pháirtnéireacht shibhialta

Caithfidh an Cláraitheoir clárú an pháirtnéireacht shibhialta a dhéanamh i láithreacht 2 fhianaise a bhfuil aois 18 nó os a cionn acu. I rith an chláraithe, caithfidh tú féin agus do pháirtnéir 3 dhearbhú a dhéanamh:

• Nach bhfuil aon eolas agaibh ar aon chol dá bpáirtnéireacht shibhialta,
• Gurb éard atá i gceist agat ná cónaí agus tacú le do pháirtnéir beartaithe mar pháirtnéir sibhialta
• Go nglacann tú le do pháirtnéir sibhialta beartaithe mar pháirtnéir sibhialta.

Seirbhísí ateangaireachta

Mura bhfuil dóthain eolais agat féin, do pháirtnéir beartaithe ná ceachtar den dá fhianaise ar an teanga ina ndéantar clárú an pháirtnéireacht shibhialta chun tuiscint céard atá á rá, caithfear seirbhísí ateangaireachta a sholáthar. Is ortsa atá an fhreagracht na seirbhísí sin a chur ar fáil.