Ceanglais fhógra do pháirtnéireacht shibhialta

Rialacha

Caithfidh lánúineacha comhghnéis ar mian leo dul isteach i bpáirtnéireacht shibhialta fógra a thabhairt go pearsanta chuig Cláraitheoir dá rún ar a laghad 3 mhí roimh dháta beartaithe an chláraithe. Is féidir an fógra a thabhairt d’aon chláraitheoir.

Nuair a dhéanann sibh an coinneadh leis an gCláraitheoir cuirfear ar an eolas sibh faoin bhfaisnéis agus faoi na cáipéisí a chaithfidh sibh a thabhairt libh. Go ginearálta, caithfidh tú agus do pháirtnéir sibhialta beartaithe an méid a leanas a thabhairt libh:

• Pasanna mar aitheantas
• Cruthúnas seolta
• Uimhreacha UPSP
• Táille fhógra
• Bunteastais bhreithe
• Bunforaithne colscartha do gach colscaradh roimhe seo má tá ceachtar agaibh colscartha. Teastóidh níos mó eolais más colscaradh eachtrannach a bhí ann agus beidh aistriúchán Béarla ceadaithe ag teastáil uaibh don fhoraithne colscartha.
• Bunfhoraithne díscaoileadh do gach díscaoileadh roimhe seo má bhí ceachtar agaibh i bpáirtnéireacht shibhialta ar cuireadh críoch leis trí dhíscaoileadh.
• Teastas báis chéile bhásaithe agus teastas pósta sibhialta roimhe seo más baintreach ceachtar agaibh.
• Teastas báis pháirtnéir shibhialta básaithe agus teastas cláraithe pháirtnéireacht shibhialta roimhe seo más páirtnéir sibhialta marthanaigh ceachtar agaibh.
• Bunfhoraithne neamhnaithe agus litir ón gcúirt ábhartha ag deimhniú nár cuireadh isteach aon achomharc má bhí ceachtar agaibh i bpósadh nó páirtnéireacht shibhialta a chuir cúirt Éireannach ar neamhní.

Beidh oraibh eolas a chur ar fáil faoin bpáirtnéireacht shibhialta bheartaithe ar nós:

• An dáta agus suíomh atá beartaithe don chlárú
• Ainmneacha agus dátaí breithe don bheirt fhianaise bheartaithe.

Beidh oraibh táille fhógra de €150 a íoc chomh maith.

Forógra gan chol

Nuair a chasfaidh sibh leis an gCláraitheoir beidh oraibh forógra a shíniú, i láithreacht an Chláraitheora, a luann go bhfuil a fhios agaibh nach bhfuil aon chol dlíthiúil ar bhur bpáirtnéireacht shibhialta bheartaithe.

Foirm Chláraithe Phairtnéireacht Shibhialta

Eiseoidh an Cláraitheoir admháil chuig an mbeirt agaibh ag deimhniú dáta admhála an fhógra. Ní thugann sí seo faomhadh do pháirtnéireacht shibhialta daoibh.

Nuair atá an t-eolas ar fad atá riachtanach curtha ar fáil, agus nach bhfuil aon chol ar an bpósadh, eiseoidh an Cláraitheoir Foirm Chláraithe Pháirtnéireacht Shibhialta (FCPS) chugaibh.

Tugann an FCPS údarú do lánúineacha páirtnéireacht shibhialta a chlárú agus teastaíonn ceann uaibh chun bheith in bhur bpáirtnéirí sibhialta in Éirinn. Má thugann sibh an cháipéisíocht agus an t-eolas a theastaíonn chuig an gcruinniú leis an gCláraitheoir, d’fhéafaí go mbeidh an Cláraitheoir in ann an FCPS a eisiú ar an bpointe.

Mura dtarlaíonn clárú an pháirtnéireacht shibhialta laistigh de 6 mhí ó dháta eisithe an FCPS, teastóidh FCPS nua má tá sé ar intinn agaibh fós a bheith mar pháirtneirí sibhialta. Beidh oraibh próiseas an fhógra a athdhéanamh.

Fogra poist

Ma tá ceachtar agaibh in bhur gcónaí thar lear, nó nach bhfuil sibh in ann freastal ar Oifig Chláraithe mar gheall ar thromthinneas, ba cheart daoibh dul i dteagmháil le Cláraitheoir chun cead a fháil bhur bhfógra 3 mhí a dhéanamh ar an bpost. Ma thugtar cead, seolfaidh an Cláraitheoir foirm chugaibh a chaithfidh sibh a chomhlánú agus a sheoladh ar ais.

Caithfidh sibh fós socraithe a dhéanamh chun casadh leis an gCláraitheoir ar a laghad 5 lá roimh dháta cláraithe an pháirtnéireacht shibhialta chun an forógra a dhéanamh. Teastaíonn sé seo sula bhféadfaidh an Cláraitheoir Foirm Chláraithe Pháirtnéireacht Shibhialta a eisiú.

Ordú diolúine cúirte

I gcúinsí speisialta ar leith, mar shampla, i gcás an-tromthinneas, d’fhéadfaí go mbeadh sibh in ann ordú díolúine cúirte a fháil ag ceadú do chlárú an pháirtnéireacht shibhialta dul ar aghaidh gan an fógra 3 mhí. Ba cheart dul i dteagmháil leis an An Chúirt Teaghlaigh Chuarda nó An Chúirt Uachtarach sa limistéir ina gcónaíonn ceachtar agaibh do shonraí ar an gcaoi le dul ar aghaidh.

Is nós imeachta neamhfhoirmiúil é seo. Is féidir libh cur isteach air go pearsanta (gan abhcóide a fhostú). Níl aon táille cúirte ar iarratas d’ordú díolúine cúirte. Ma fhostaíonn sibh abhcóide, áfach, beidh oraibh é/í a íoc. Éileoidh an chúirt oraibh a thaispeáint:

• Go bhfuil fáthanna maithe le bhur n-iarratas
• Go bhfuil bronnadh a leithéid d’ordaithe diolúine chun leasa na bpáirtithe sa pháirtnéireacht shibhialta bheartaithe.

Má bhronntar ordú díolúine cúirte oraibh, beidh oraibh fós socruithe a dhéanamh leis an gCláraitheoir ar a laghad 5 lá sula bpósann sibh chun an forógra a dhéanamh. Teastaíonn sé seo sular féidir Foirm Chláraithe Phairtnéireacht Shibhialta a eisiú.