Is dearbhú ó chúirt é neamhniú pósta go bhfuil do phósadh a bhí in ainm agus a bheith ann ar neamhní agus gan éifeacht agus nach bhfuil aon phósadh bailí ag feidhmiú idir tú féin agus do pháirtnéir. I bhfocail eile, is dearbhú atá ann nár tharla an pósadh a bhí in ainm agus a bheith ann riamh.

Tá difríocht idir neamhniú (nó neamhniú pósta) agus colscaradh mar gur dearbhú atá sa cholscaradh ag cur deireadh le pósadh bailí. Dearbhú atá i neamhniú nach raibh aon phósadh bailí ann riamh.

Ins an dlí neamhnaithe, tá dhá chinéal pósadh ann ar féidir a neamhniú nó a chur ar ceal. Tá pósadh "neamhnitheach" ann agus tá pósadh "in-neamhnaithe" ann.

Má tá do phósadh neamhnitheach breathnaítear air amhail is nár tharla sé riamh. Go teicniciúil, muna tharla do phósadh riamh, níl aon ghá a dhul chun cúirte chun foraithne neamhnithe a fháil - is féidir leat glacadh leis nár tharla an pósadh riamh. Tá sé molta ordú cúirte a fháil áfach, ag dearbhú go bhfuil do phósadh curtha ar neamhní ionas nach mbeadh aon amhras ann.

Má tá do phósadh "in-neamhnaithe" breithnítear air mar phósadh bailí go dtí go bhfuil foraithne neamhnithe déanta.

Ní féidir foraithne neamhnithe a dhéanamh ach amháin má dhéanann duine de pháirtithe an phósadh iarratas chuig an gcúirt le haghaidh neamhnithe. Má chinneann an chúirt go bhfuil do phósadh in-neamhnaithe, dearbhaíonn sé ansin go raibh do phósadh neamhbhailí ón tús. Níor tharla do phósadh riamh.

Is féidir leat tuilleadh eolas a fháil faoi iarratas a dhéanamh le haghaidh neamhniú sibhialta ar do phósadh agus iarmhirtí neamhniú sibhialta ar do phósadh.