Ranganna Réamhbheirthe

Eolas

Tabharfaidh ranganna réamhbheirthe eolas duit faoi thoircheas, luí seoil agus breith, agus cúram naíonán agus tugtar deis duit aon imní a bheadh ort a phlé le tuismitheoirí eile a bhíonn ag súil le leanbh. Díríonn go leor ranganna réamhbheirthe ar luí seoil agus ar an mbreith amháin, ach bíonn comhairle le fáil i gcuid eile acu ar conas aire a thabhairt do do naíonán agus conas dul i dtaithí ar thuismitheoireacht.

Cuireann d'ospidéal ranganna réamhbheirthe ar fáil duit agus bíonn ort glaoch a chur orthu chun d'áit a chur in áirthint. Cuirtear ranganna ar fáil go ginearálta do mháithreacha atá ag súil, nó do lánúnacha. Déantar freastal ar ranganna réamhbheirthe ó bhíonn an bhean 30 seachtaine ag súil le leanbh. Cuireann roinnt ospidéal ranganna ar fáil do lánúnacha lena mbaineann riachtanais speisialta. Beidh ort dul i dteagmháil leis an ospidéal áitiúil nó bord sláinte le haghaidh sonraí a fháil.

Am Saor ón Obair

Faoi Alt 8 den Acht um Chosaint Mháithreachais (Leasú) 2004 (pdf) is féidir le mná atá torrach am a thógáil saor ón obair le híocaíocht le freastal ar sraith amháin ranganna réamhbhreithe (ach gan an trí rang deireanach den sraith a bheith san áireamh mar gheall gur iondúil go mbíonn siad ann tar éis don saoire mháithreachais tosnú). Baineann an ceart seo freastal a dhéanamh ar sraith amháin ranganna réamhbhreithe (gan an trí rang deireanach sa sraith a bheith san áireamh) leis na toirchis ar fad a bhíonn ag bean agus í fostaithe. Níl am saor ón obair le híocaíocht ar fáil duit mar sin le freastal ar ranganna réamhbhreithe gach uair a bhíonn tú torrach agus tú ag obair. Ach, clúdaíonn an ceart sraith amháin ranganna do do chuid toircheas ar fad. Má tharlaíonn sé ar chúis ar bith nach féidir leat freastal ar chuid de na ranganna gan aon neart a bheith agat féin air (mar shampla breith roimh an am, tinneas, anabaíocht, marbhghin) is féidir leat an teidlíocht am a thógáil saor ón obair le híocaíocht a choinneáil le freastal ar aon ranganna nár fhreastal tú cheana orthu má bhíonn toircheas eile ann (gan an trí rang deireanach sa sraith a bheith san áireamh). Tá sampla tugtha anseo: Tá tú ag freastal ar sraith de 8 ranganna agus is é seo an chéad toircheas agat agus tú fostaithe. Tá sé de cheart agat íocaíocht a fháil agus tú ag freastal ar 5 rang acu sin (arís, mar gheall go mbeadh an trí rang eile ann nuair atá tú ar shaoire mháithreachais). Má tharlaíonn sé, mar shampla, go mbíonn tú tinn agus nach féidir leat freastal ar an 5 rang ar fad an babhta seo, is féidir leat an teidlíocht atá agat a bheith íoctha le freastal ar na ranganna nár éirigh leat freastal orthu a choinneáil d’aon toircheas ina dhiaidh sin. Tá ceart aon uair ag fir a bhfuil páiste leo le teacht ar an saol am a thógáil saor ón obair agus a bheith íoctha air le freastal ar an dá rang réamhbhreithe díreach roimh an mbreith. Ní féidir an teidlíocht seo a úsáid gach uair a bhíonn toircheas ann nuair atá an bhean fostaithe - níl ann ach ceart aon uair amháin. Tháinig an soláthar ar am saor ón obair le híocaíocht le freastal ar ranganna réamhbhreithe do thusmitheoirí atá ag súil le páistí i bhfeidhm in IR 653 de Rialacháin um Chosaint Mháithreachais 2004 (Am saor do Ranganna Réamhbhreithe PDF).

Más mian le fostaí an t-am seo a thógáil saor ón obair ní mór dó/dí é a chur in iúl don fhostóir i scríbhinn ar a laghad coicís roimh do na ranganna tosú, ag leagan síos na dátaí agus na hamanna do na ranganna. Is féidir le fostóirí fianaise i scríbhinn a iarraidh maidir leis na ranganna (dátaí, amanna & rl.). Tháinig an soláthar nua seo ag tabhairt ceada do thuismitheoirí atá ag súil le páistí am a thógáil saor ón obair le freastal ar ranganna réamhbhreithe i bhfeidhm ón 18 Deireadh Fómhair, 2004.